1. Paṭhamavaggo
296.‘‘ Ekadhammo
V1.43M1.32 , bhikkhave , bhāvito bahulīkato ekantanibbidāya virāgāya nirodhāya upasamāya abhiññāya sambodhāya nibbānāya saṃvattati .Katamo ekadhammo ?
Buddhānussati .
Ayaṃ kho , bhikkhave , ekadhammo bhāvito bahulīkato ekantanibbidāya virāgāya nirodhāya upasamāya abhiññāya sambodhāya
T1.40 nibbānāya saṃvattatī ’’ ti . 297.‘‘ Ekadhammo , bhikkhave , bhāvito bahulīkato ekantanibbidāya virāgāya nirodhāya upasamāya abhiññāya sambodhāya nibbānāya saṃvattati .
Katamo ekadhammo ?
Dhammānussati … pe … saṅghānussati … sīlānussati … cāgānussati … devatānussati … ānāpānassati … maraṇassati … kāyagatāsati … upasamānussati .
Ayaṃ kho , bhikkhave , ekadhammo bhāvito bahulīkato ekantanibbidāya virāgāya nirodhāya upasamāya abhiññāya sambodhāya nibbānāya saṃvattatī ’’ ti .
Vaggo paṭhamo .