18. Aparaaccharāsaṅghātavaggo
382.‘‘ Accharāsaṅghātamattampi
V1.54M1.41 ce , bhikkhave , bhikkhu paṭhamaṃ jhānaṃ bhāveti , ayaṃ vuccati , bhikkhave –‘ bhikkhu arittajjhāno viharati , satthusāsanakaro ovādapatikaro , amoghaṃ raṭṭhapiṇḍaṃ bhuñjati ’.
Ko pana vādo ye naṃ bahulīkarontī ’’ ti !
383-389.
‘‘ Accharāsaṅghātamattampi ce , bhikkhave , bhikkhu dutiyaṃ jhānaṃ bhāveti … pe …
T1.51 tatiyaṃ jhānaṃ bhāveti … pe … catutthaṃ jhānaṃ bhāveti … pe … mettaṃ cetovimuttiṃ bhāveti … pe … karuṇaṃ cetovimuttiṃ bhāveti … pe … muditaṃP1.39 cetovimuttiṃ bhāveti … pe … upekkhaṃ cetovimuttiṃ bhāveti … pe …. 390-393.
Kāye kāyānupassī viharati ātāpī sampajāno satimā vineyya loke abhijjhādomanassaṃ ;
vedanāsu vedanānupassī viharati … pe … citte cittānupassī viharati … pe … dhammesu dhammānupassī viharati ātāpī sampajāno satimā vineyya loke abhijjhādomanassaṃ .
394-397.
Anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ [ viriyaṃ ( sī . syā . kaṃ . pī .)] ārabhati cittaṃ paggaṇhāti padahati ;
uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati .
Anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati ;
uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati .
398-401.
Chandasamādhipadhānasaṅkhārasamannāgataṃ iddhipādaṃ bhāveti … vīriyasamādhipadhānasaṅkhārasamannāgataṃ
V1.55 iddhipādaṃ bhāveti … cittasamādhipadhānasaṅkhārasamannāgataṃ iddhipādaṃ bhāveti … vīmaṃsāsamādhipadhānasaṅkhārasamannāgataṃ iddhipādaṃ bhāveti …. 402-406.
Saddhindriyaṃ bhāveti … vīriyindriyaṃ bhāveti … satindriyaṃ bhāveti … samādhindriyaṃ bhāveti … paññindriyaṃ bhāveti ….
407-411.
Saddhābalaṃ
M1.42 bhāveti … vīriyabalaṃ bhāveti … satibalaṃT1.52 bhāveti … samādhibalaṃ bhāveti … paññābalaṃ bhāveti …. 412-418.
Satisambojjhaṅgaṃ bhāveti … dhammavicayasambojjhaṅgaṃ bhāveti … vīriyasambojjhaṅgaṃ
P1.40 bhāveti … pītisambojjhaṅgaṃ bhāveti … passaddhisambojjhaṅgaṃ bhāveti … samādhisambojjhaṅgaṃ bhāveti … upekkhāsambojjhaṅgaṃ bhāveti …. 419-426.
Sammādiṭṭhiṃ bhāveti … sammāsaṅkappaṃ bhāveti … sammāvācaṃ bhāveti … sammākammantaṃ bhāveti … sammāājīvaṃ bhāveti … sammāvāyāmaṃ bhāveti … sammāsatiṃ bhāveti … sammāsamādhiṃ bhāveti ….
427-434.[ dī . ni .2.173; ma . ni .2.249; a . ni .8.65] Ajjhattaṃ rūpasaññī bahiddhā rūpāni passati parittāni suvaṇṇadubbaṇṇāni .
‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ rūpasaññī bahiddhā rūpāni passati appamāṇāni suvaṇṇadubbaṇṇāni .
‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni .
‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni .
‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ
T1.53 arūpasaññī bahiddhā rūpāni passati nīlāni nīlavaṇṇāni nīlanidassanāni nīlanibhāsāni .‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ arūpasaññī bahiddhā rūpāni passati pītāni pītavaṇṇāni pītanidassanāni pītanibhāsāni .
‘ Tāni abhibhuyya jānāmi passāmī ’ ti – evaṃsaññī hoti … ajjhattaṃ arūpasaññī bahiddhā rūpāni passati lohitakāni lohitakavaṇṇāni
V1.56 lohitakanidassanāni lohitakanibhāsāni .‘ Tāni abhibhuyya jānāmi passāmī ’ ti evaṃsaññī hoti … ajjhattaṃ arūpasaññī bahiddhā rūpāni passati odātāni odātavaṇṇāni odātanidassanāni odātanibhāsāni .
‘ Tāni abhibhuyya jānāmi passāmī ’ ti – evaṃsaññī hoti ….
435-442.
Rūpī rūpāni passati … ajjhattaṃ
P1.41 arūpasaññī bahiddhā rūpāni passati subhanteva adhimutto hoti … sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā anantoM1.43 ākāsoti ākāsānañcāyatanaṃ upasampajja viharati … sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharati … sabbaso viññāṇañcāyatanaṃ samatikkamma natthi kiñcīti ākiñcaññāyatanaṃT1.54 upasampajja viharati … sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati … sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati …. 443-452.
Pathavīkasiṇaṃ bhāveti … āpokasiṇaṃ bhāveti … tejokasiṇaṃ bhāveti … vāyokasiṇaṃ bhāveti … nīlakasiṇaṃ bhāveti … pītakasiṇaṃ bhāveti … lohitakasiṇaṃ bhāveti … odātakasiṇaṃ bhāveti … ākāsakasiṇaṃ bhāveti … viññāṇakasiṇaṃ bhāveti ….
453-462.
Asubhasaññaṃ bhāveti … maraṇasaññaṃ bhāveti … āhāre paṭikūlasaññaṃ bhāveti … sabbaloke anabhiratisaññaṃ [ anabhiratasaññaṃ ( sī . syā . kaṃ . pī .)] bhāveti … aniccasaññaṃ bhāveti … anicce dukkhasaññaṃ bhāveti … dukkhe anattasaññaṃ bhāveti … pahānasaññaṃ bhāveti … virāgasaññaṃ bhāveti … nirodhasaññaṃ bhāveti ….
463-472.
Aniccasaññaṃ bhāveti … anattasaññaṃ bhāveti … maraṇasaññaṃ
P1.42 bhāveti … āhāre paṭikūlasaññaṃ bhāveti … sabbaloke anabhiratisaññaṃ bhāveti … aṭṭhikasaññaṃ bhāveti … puḷavakasaññaṃ [ puḷuvakasaññaṃ ( ka .)] bhāveti … vinīlakasaññaṃ bhāveti … vicchiddakasaññaṃ bhāveti … uddhumātakasaññaṃ bhāveti …. 473-482.
Buddhānussatiṃ
V1.57 bhāveti … dhammānussatiṃ bhāveti … saṅghānussatiṃ bhāveti … sīlānussatiṃ bhāveti … cāgānussatiṃ bhāveti … devatānussatiṃT1.55 bhāveti … ānāpānassatiṃ bhāveti … maraṇassatiṃ bhāveti … kāyagatāsatiṃ bhāveti … upasamānussatiṃ bhāveti …. 483-492.
Paṭhamajjhānasahagataṃ
M1.44 saddhindriyaṃ bhāveti … vīriyindriyaṃ bhāveti … satindriyaṃ bhāveti … samādhindriyaṃ bhāveti … paññindriyaṃ bhāveti … saddhābalaṃ bhāveti … vīriyabalaṃ bhāveti … satibalaṃ bhāveti … samādhibalaṃ bhāveti … paññābalaṃ bhāveti …. 493-562.
‘‘ Dutiyajjhānasahagataṃ … pe … tatiyajjhānasahagataṃ … pe … catutthajjhānasahagataṃ … pe … mettāsahagataṃ … pe … karuṇāsahagataṃ … pe … muditāsahagataṃ … pe … upekkhāsahagataṃ saddhindriyaṃ bhāveti … vīriyindriyaṃ bhāveti … satindriyaṃ
P1.43 bhāveti … samādhindriyaṃ bhāveti … paññindriyaṃ bhāveti … saddhābalaṃ bhāveti … vīriyabalaṃ bhāveti … satibalaṃ bhāveti … samādhibalaṃ bhāveti … paññābalaṃ bhāveti .Ayaṃ vuccati , bhikkhave –
‘ bhikkhu arittajjhāno viharati satthusāsanakaro ovādapatikaro , amoghaṃ raṭṭhapiṇḍaṃ bhuñjati ’.
Ko pana vādo ye naṃ bahulīkarontī ’’ ti !
Aparaaccharāsaṅghātavaggo aṭṭhārasamo .