4. Adantavaggo
31.‘‘ Nāhaṃ
V1.9M1.6 , bhikkhave , aññaṃ ekadhammampi samanupassāmi yaṃ evaṃ adantaṃ mahato anatthāya saṃvattati yathayidaṃ , bhikkhave , cittaṃ .Cittaṃ , bhikkhave , adantaṃ mahato anatthāya saṃvattatī ’’ ti .
Paṭhamaṃ .
32.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ dantaṃ mahato atthāya saṃvattati yathayidaṃ , bhikkhave , cittaṃ .
Cittaṃ , bhikkhave , dantaṃ mahato atthāya saṃvattatī ’’ ti .
Dutiyaṃ .
33.‘‘ Nāhaṃ , bhikkhave , aññaṃ ekadhammampi samanupassāmi
P1.7 yaṃ evaṃ aguttaṃ mahato anatthāya saṃvattati yathayidaṃ , bhikkhave , cittaṃ .Cittaṃ , bhikkhave , aguttaṃ mahato anatthāya saṃvattatī ’’ ti .
Tatiyaṃ .
34.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ guttaṃ
T1.8 mahato atthāya saṃvattati yathayidaṃ , bhikkhave , cittaṃ .Cittaṃ , bhikkhave , guttaṃ mahato atthāya saṃvattatī ’’ ti .
Catutthaṃ .
35.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ arakkhitaṃ mahato anatthāya saṃvattati yathayidaṃ , bhikkhave , cittaṃ .
Cittaṃ , bhikkhave , arakkhitaṃ mahato anatthāya saṃvattatī ’’ ti .
Pañcamaṃ .
36.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ rakkhitaṃ mahato atthāya saṃvattati yathayidaṃ , bhikkhave , cittaṃ .
Cittaṃ , bhikkhave , rakkhitaṃ mahato atthāya saṃvattatī ’’ ti .
Chaṭṭhaṃ .
37.‘‘ Nāhaṃ
V1.10 , bhikkhave , aññaṃ ekadhammampi samanupassāmi yaṃ evaṃ asaṃvutaṃ mahato anatthāya saṃvattati yathayidaṃ , bhikkhave , cittaṃ .Cittaṃ , bhikkhave , asaṃvutaṃ mahato anatthāya saṃvattatī ’’ ti .
Sattamaṃ .
38.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ saṃvutaṃ mahato atthāya saṃvattati yathayidaṃ , bhikkhave , cittaṃ .
Cittaṃ , bhikkhave , saṃvutaṃ mahato atthāya saṃvattatī ’’ ti .
Aṭṭhamaṃ .
39.‘‘ Nāhaṃ
M1.7 , bhikkhave , aññaṃ ekadhammampi samanupassāmi yaṃ evaṃ adantaṃ aguttaṃ arakkhitaṃ asaṃvutaṃ mahato anatthāya saṃvattati yathayidaṃ , bhikkhave , cittaṃ .Cittaṃ , bhikkhave , adantaṃ aguttaṃ arakkhitaṃ asaṃvutaṃ mahato anatthāya saṃvattatī ’’ ti .
Navamaṃ .
40.‘‘ Nāhaṃ , bhikkhave , aññaṃ ekadhammampi samanupassāmi yaṃ evaṃ dantaṃ guttaṃ rakkhitaṃ saṃvutaṃ mahato atthāya saṃvattati yathayidaṃ , bhikkhave , cittaṃ
T1.9 .Cittaṃ , bhikkhave , dantaṃ guttaṃ rakkhitaṃ saṃvutaṃ mahato atthāya saṃvattatī ’’ ti .
Dasamaṃ .
Adantavaggo catuttho .