Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Ekakanipātapāḷi
Ekakanipātapāḷi

4. Catutthavaggo

Author： _System_Pali_VRI_ @ Administrator

4. Catutthavaggo

322.‘‘ SeyyathāpiM1.37 , bhikkhave , appamattakaṃ imasmiṃ jambudīpe ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇirāmaṇeyyakaṃ ;
atha kho etadeva bahutaraṃ yadidaṃ ukkūlavikūlaṃ nadīviduggaṃ khāṇukaṇṭakaṭṭhānaṃ [ khāṇukaṇḍakadhānaṃ ( sī . pī .)] pabbatavisamaṃ ;
evamevaṃ kho , bhikkhave , appakā te sattā ye thalajā , atha kho eteva sattā bahutarā ye odakā ’’.
323.… Evamevaṃ kho , bhikkhave , appakā te sattā ye manussesu paccājāyanti ;
atha kho eteva sattā bahutarā ye aññatra manussehi paccājāyanti .
… Evamevaṃ kho , bhikkhave , appakā te sattā ye majjhimesu janapadesu paccājāyanti ;
athaT1.47 kho eteva sattā bahutarā ye paccantimesu janapadesu paccājāyanti aviññātāresu milakkhesu [ milakkhūsu ( ka .)].
324.… Evamevaṃ kho , bhikkhave , appakā te sattā ye paññavanto ajaḷā aneḷamūgā paṭibalā subhāsitadubbhāsitassa atthamaññātuṃ ;
atha kho eteva sattā bahutarā ye duppaññā jaḷā eḷamūgā na paṭibalā subhāsitadubbhāsitassa atthamaññātuṃ .
325.… EvamevaṃV1.49 kho , bhikkhave , appakā te sattā ye ariyena paññācakkhunā samannāgatā ;
atha kho eteva sattā bahutarā ye avijjāgatā sammūḷhā .
326.… Evamevaṃ kho , bhikkhave , appakā te sattā ye labhanti tathāgataṃ dassanāya ;
atha kho eteva sattā bahutarā ye na labhanti tathāgataṃ dassanāya .
327.… Evamevaṃ kho , bhikkhave , appakā te sattā ye labhanti tathāgatappaveditaṃ dhammavinayaṃ savanāya ;
atha kho etevaP1.36 sattā bahutarā ye na labhanti tathāgatappaveditaṃ dhammavinayaṃ savanāya .
328.… EvamevaṃM1.38 kho , bhikkhave , appakā te sattā ye sutvā dhammaṃ dhārenti ;
atha kho eteva sattā bahutarā ye sutvā dhammaṃ na dhārenti .
329.… Evamevaṃ kho , bhikkhave , appakā te sattā ye dhātānaṃ [ dhatānaṃ ( sī . syā . kaṃ . pī .)] dhammānaṃ atthaṃ upaparikkhanti ;
atha kho eteva sattā bahutarā ye dhātānaṃ dhammānaṃ atthaṃ na upaparikkhanti .
330.… Evamevaṃ kho , bhikkhave , appakā te sattā ye atthamaññāya dhammamaññāya dhammānudhammaṃ paṭipajjanti ;
atha kho eteva sattā bahutarā ye atthamaññāya dhammamaññāya dhammānudhammaṃ na paṭipajjanti .
331.… Evamevaṃ kho , bhikkhave , appakā te sattā ye saṃvejaniyesu ṭhānesu saṃvijjanti ;
atha kho eteva sattāT1.48 bahutarā ye saṃvejaniyesu ṭhānesu na saṃvijjanti .
332.… Evamevaṃ kho , bhikkhave , appakā te sattā ye saṃviggāV1.50 yoniso padahanti ;
atha kho eteva sattā bahutarā ye saṃviggā yoniso na padahanti .
333.… Evamevaṃ kho , bhikkhave , appakā te sattā ye vavassaggārammaṇaṃ karitvā labhanti samādhiṃ [ cittassa samādhiṃ ( sī .)] labhanti cittassekaggataṃ [ cittassekaggaṃ ( sī .)];
atha kho eteva sattā bahutarā ye vavassaggārammaṇaṃ karitvā na labhanti samādhiṃ na labhanti cittassekaggataṃ .
334.… Evamevaṃ kho , bhikkhave , appakā te sattā ye annaggarasaggānaṃ lābhino ;
atha kho eteva sattā bahutarā ye annaggarasaggānaṃ na lābhino , uñchena kapālābhatena yāpenti .
335.… Evamevaṃ kho , bhikkhave , appakā te sattā ye attharasassa dhammarasassa vimuttirasassa lābhino ;
atha kho eteva sattā bahutarā ye attharasassa dhammarasassa vimuttirasassa na lābhino .
Tasmātiha , bhikkhaveM1.39 , evaṃ sikkhitabbaṃ – attharasassa dhammarasassa vimuttirasassa lābhino bhavissāmāti .
Evañhi vo , bhikkhave , sikkhitabbanti .
336-338.
‘‘ SeyyathāpiP1.37 , bhikkhave , appamattakaṃ imasmiṃ jambudīpe ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇirāmaṇeyyakaṃ ;
atha kho etadeva bahutaraṃ yadidaṃ ukkūlavikūlaṃ nadīviduggaṃ khāṇukaṇṭakaṭṭhānaṃ pabbatavisamaṃ .
Evamevaṃ kho , bhikkhave , appakā te sattā ye manussā cutā manussesu paccājāyanti , atha kho eteva sattā bahutarā ye manussā cutā niraye paccājāyanti … pe … tiracchānayoniyā paccājāyanti … pe … pettivisaye paccājāyanti ’’.
339-341.
… Evamevaṃ kho , bhikkhave , appakā te sattā yeT1.49 manussā cutā devesu paccājāyanti ;
atha kho eteva sattā bahutarā ye manussā cutā niraye paccājāyanti … tiracchānayoniyā paccājāyanti … pettivisaye paccājāyanti .
342-344.
… Evamevaṃ kho , bhikkhave , appakā te sattā ye devāV1.51 cutā devesu paccājāyanti ;
atha kho eteva sattā bahutarā ye devā cutā niraye paccājāyanti … tiracchānayoniyā paccājāyanti … pettivisaye paccājāyanti .
345-347.
… Evamevaṃ kho , bhikkhave , appakā te sattā ye devā cutā manussesu paccājāyanti ;
atha kho eteva sattā bahutarā ye devā cutā niraye paccājāyanti … tiracchānayoniyā paccājāyanti … pettivisaye paccājāyanti .
348-350.
… Evamevaṃ kho , bhikkhave , appakā te sattā ye nirayā cutā manussesu paccājāyanti ;
atha kho eteva sattā bahutarā ye nirayā cutā niraye paccājāyanti … tiracchānayoniyā paccājāyanti … pettivisaye paccājāyanti .
351-353.
… Evamevaṃ kho , bhikkhave , appakā te sattā ye nirayā cutā devesu paccājāyanti ;
atha kho eteva sattā bahutarā ye nirayā cutā niraye paccājāyanti … tiracchānayoniyā paccājāyanti … pettivisaye paccājāyanti .
354-356.
… EvamevaṃM1.40 kho , bhikkhave , appakā te sattā ye tiracchānayoniyā cutā manussesu paccājāyanti ;
atha kho eteva sattā bahutarā ye tiracchānayoniyā cutā niraye paccājāyanti … tiracchānayoniyā paccājāyanti … pettivisaye paccājāyanti .
357-359.
… Evamevaṃ kho , bhikkhave , appakā te sattā ye tiracchānayoniyā cutā devesu paccājāyanti ;
atha kho eteva sattā bahutarā yeP1.38 tiracchānayoniyā cutā niraye paccājāyanti … tiracchānayoniyā paccājāyanti … pettivisaye paccājāyanti .
360-362.
… Evamevaṃ kho , bhikkhave , appakā te sattā ye pettivisayā cutā manussesu paccājāyanti ;
atha kho eteva sattā bahutarā ye pettivisayā cutā niraye paccājāyanti … tiracchānayoniyā paccājāyanti … pettivisaye paccājāyanti .
363-365.
… EvamevaṃV1.52 kho , bhikkhave , appakā te sattā ye pettivisayā cutā devesu paccājāyantiT1.50 ;
atha kho eteva sattā bahutarā ye pettivisayā cutā niraye paccājāyanti … tiracchānayoniyā paccājāyanti … pettivisaye paccājāyanti .
Vaggo catuttho .
Jambudīpapeyyālo niṭṭhito .
Ekadhammapāḷi soḷasamo .