Cattāro dhammā
354.‘‘ Cattāro
T3.293 dhammā bahukārā , cattāro dhammā bhāvetabbā … pe … cattāro dhammā sacchikātabbā .( Ka )‘‘ katame cattāro dhammā bahukārā ?
Cattāri cakkāni – patirūpadesavāso , sappurisūpanissayo [ sappurisupassayo ( syā . kaṃ .)], attasammāpaṇidhi , pubbe ca katapuññatā .
Ime cattāro dhammā bahukārā .
( Kha )‘‘ katame cattāro dhammā bhāvetabbā ?
Cattāro satipaṭṭhānā – idhāvuso , bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ .
Vedanāsu … pe … citte … dhammesu
M3.231 dhammānupassī viharati ātāpī sampajāno satimā vineyya loke abhijjhādomanassaṃ .Ime cattāro dhammā bhāvetabbā .
( Ga )‘‘ katame cattāro dhammā pariññeyyā ?
Cattāro āhārā – kabaḷīkāro [ kavaḷīkāro ( syā . kaṃ .)] āhāro oḷāriko
V3.222 vā sukhumo vā , phasso dutiyo , manosañcetanā tatiyā , viññāṇaṃ catutthaṃ .Ime cattāro dhammā pariññeyyā .
( Gha )‘‘ katame cattāro dhammā pahātabbā ?
Cattāro oghā
T3.294 – kāmogho , bhavogho , diṭṭhogho , avijjogho .Ime cattāro dhammā pahātabbā .
( Ṅa )‘‘ katame cattāro dhammā hānabhāgiyā ?
Cattāro yogā – kāmayogo , bhavayogo , diṭṭhiyogo , avijjāyogo .
Ime cattāro dhammā hānabhāgiyā .
( Ca )‘‘ katame cattāro dhammā visesabhāgiyā ?
Cattāro visaññogā – kāmayogavisaṃyogo , bhavayogavisaṃyogo , diṭṭhiyogavisaṃyogo , avijjāyogavisaṃyogo .
Ime cattāro dhammā visesabhāgiyā .
( Cha )‘‘ katame
P3.277 cattāro dhammā duppaṭivijjhā ?Cattāro samādhī – hānabhāgiyo samādhi , ṭhitibhāgiyo samādhi , visesabhāgiyo samādhi , nibbedhabhāgiyo samādhi .
Ime cattāro dhammā duppaṭivijjhā .
( Ja )‘‘ katame cattāro dhammā uppādetabbā ?
Cattāri ñāṇāni – dhamme ñāṇaṃ , anvaye ñāṇaṃ , pariye ñāṇaṃ , sammutiyā ñāṇaṃ .
Ime cattāro dhammā uppādetabbā .
( Jha )‘‘ katame cattāro dhammā abhiññeyyā ?
Cattāri ariyasaccāni – dukkhaṃ ariyasaccaṃ , dukkhasamudayaṃ [ dukkhasamudayo ( syā . kaṃ .)] ariyasaccaṃ , dukkhanirodhaṃ [ dukkhanirodho ( syā . kaṃ .)] ariyasaccaṃ , dukkhanirodhagāminī paṭipadā ariyasaccaṃ .
Ime cattāro dhammā abhiññeyyā .
( Ña )‘‘ katame cattāro dhammā sacchikātabbā ?
Cattāri sāmaññaphalāni – sotāpattiphalaṃ , sakadāgāmiphalaṃ , anāgāmiphalaṃ , arahattaphalaṃ
T3.295 .Ime cattāro dhammā sacchikātabbā .
‘‘ Iti
M3.232 ime cattārīsadhammā bhūtā tacchā tathā avitathā anaññathā sammā tathāgatena abhisambuddhā .