Methunadhammasamācāro
127.‘‘ Adhammasammataṃ
M3.74 kho pana [ adhammasammataṃ taṃ kho pana ( syā .), adhammasammataṃ kho pana taṃ (?)], vāseṭṭha , tena samayena hoti , tadetarahi dhammasammataṃ .Ye kho pana , vāseṭṭha , tena samayena sattā methunaṃ dhammaṃ paṭisevanti , te māsampi dvemāsampi na labhanti gāmaṃ vā nigamaṃ vā pavisituṃ .
Yato kho te , vāseṭṭha , sattā tasmiṃ asaddhamme ativelaṃ pātabyataṃ āpajjiṃsu .
Atha agārāni upakkamiṃsu kātuṃ tasseva asaddhammassa paṭicchādanatthaṃ .
Atha kho , vāseṭṭha , aññatarassa sattassa alasajātikassa etadahosi –
‘ ambho , kimevāhaṃ vihaññāmi sāliṃ āharanto sāyaṃ sāyamāsāya pāto pātarāsāya !
Yaṃnūnāhaṃ sāliṃ āhareyyaṃ sakiṃdeva [ sakiṃdeva ( ka .)] sāyapātarāsāyā ’ ti
T3.98 !‘‘ Atha kho so , vāseṭṭha , satto sāliṃ āhāsi sakiṃdeva sāyapātarāsāya .
Atha kho , vāseṭṭha , aññataro satto yena so satto tenupasaṅkami ;
upasaṅkamitvā taṃ sattaṃ etadavoca –
‘ ehi , bho satta , sālāhāraṃ gamissāmā ’ ti .
‘ Alaṃ , bho satta , āhato [ āhaṭo ( syā .)] me sāli sakiṃdeva sāyapātarāsāyā ’ ti .
Atha kho so , vāseṭṭha , satto tassa sattassa diṭṭhānugatiṃ āpajjamāno sāliṃ āhāsi sakiṃdeva dvīhāya .
‘ Evampi kira , bho , sādhū ’ ti .
‘‘ Atha kho , vāseṭṭha , aññataro satto yena so satto tenupasaṅkami ;
upasaṅkamitvā
P3.90 taṃ sattaṃ etadavoca –‘ ehi , bho satta , sālāhāraṃ gamissāmā ’ ti .
‘ Alaṃ , bho satta , āhato me sāli sakiṃdeva dvīhāyā ’ ti .
Atha kho so , vāseṭṭha , satto tassa sattassa diṭṭhānugatiṃ āpajjamāno sāliṃ āhāsi sakiṃdeva catūhāya ,‘ evampi kira , bho , sādhū ’ ti .
‘‘ Atha kho , vāseṭṭha , aññataro satto yena so satto tenupasaṅkami ;
upasaṅkamitvā taṃ sattaṃ etadavoca –
‘ ehi , bho satta , sālāhāraṃ gamissāmā ’ ti .
‘ Alaṃ , bho satta , āhato me sāli sakideva catūhāyā ’ ti .
Atha kho so , vāseṭṭha , satto tassa sattassa
M3.75 diṭṭhānugatiṃ āpajjamāno sāliṃ āhāsi sakideva aṭṭhāhāya ,‘ evampi kira , bho , sādhū ’ ti .‘‘ Yato kho te , vāseṭṭha , sattā sannidhikārakaṃ sāliṃ upakkamiṃsu paribhuñjituṃ .
Atha kaṇopi
V3.67 taṇḍulaṃ pariyonandhi , thusopi taṇḍulaṃ pariyonandhi ;lūnampi nappaṭivirūḷhaṃ
T3.99 , apadānaṃ paññāyittha , saṇḍasaṇḍā sālayo aṭṭhaṃsu .