Sukhallikānuyogānisaṃso
185.‘‘ Ṭhānaṃ kho panetaṃ , cunda , vijjati , yaṃ aññatitthiyā paribbājakā evaṃ vadeyyuṃ –
‘ ime panāvuso , cattāro sukhallikānuyoge anuyuttānaṃ viharataṃ kati phalāni katānisaṃsā pāṭikaṅkhā ’ ti ?
Evaṃvādino , cunda , aññatitthiyā paribbājakā evamassu vacanīyā –
‘ ime kho , āvuso , cattāro sukhallikānuyoge anuyuttānaṃ viharataṃ cattāri phalāni cattāro
V3.99 ānisaṃsā pāṭikaṅkhā .Katame cattāro ?
Idhāvuso , bhikkhu tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo .
Idaṃ paṭhamaṃ phalaṃ , paṭhamo ānisaṃso .
Puna caparaṃ , āvuso , bhikkhu tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti , sakideva imaṃ lokaṃ āgantvā dukkhassantaṃ
T3.146 karoti .Idaṃ dutiyaṃ phalaṃ , dutiyo ānisaṃso .
Puna caparaṃ , āvuso , bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti , tattha parinibbāyī anāvattidhammo tasmā lokā .
Idaṃ tatiyaṃ phalaṃ , tatiyo ānisaṃso .
Puna caparaṃ , āvuso , bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati .
Idaṃ catutthaṃ phalaṃ catuttho ānisaṃso .
Ime
M3.110 kho , āvuso , cattāro sukhallikānuyoge anuyuttānaṃ viharataṃ imāni cattāri phalāni , cattāro ānisaṃsā pāṭikaṅkhā ’’ ti .