9. Satthusāsanasuttavaṇṇanā
83. Navame ekoti adutiyo .
Vūpakaṭṭhoti kāyena gaṇato , cittena kilesehi vūpakaṭṭho vivekaṭṭho dūrībhūto .
Appamattoti
P4.67 satiavippavāse ṭhito .Pahitattoti pesitatto .
Nibbidāyāti vaṭṭe ukkaṇṭhanatthāya .
Virāgāyāti rāgādīnaṃ virajjanatthāya .
Nirodhāyāti appavattikaraṇatthāya .
Vūpasamāyāti kilesavūpasamāya appavattiyā .
Abhiññāyāti tilakkhaṇaṃ āropetvā abhijānanatthāya .
Sambodhāyāti maggasaṅkhātassa sambodhassa atthāya .
Nibbānāyāti nibbānassa sacchikaraṇatthāya .