1. Vibhaṅgavāro
Nahetupaccayo
351. Akusalaṃ
T1.136 dhammaṃ saṃsaṭṭho akusalo dhammo uppajjati nahetupaccayā – vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho .(1)Abyākataṃ
V1.132 dhammaṃ saṃsaṭṭho abyākato dhammo uppajjati nahetupaccayā – ahetukaṃ vipākābyākataṃ kiriyābyākataṃ ekaṃ khandhaṃ saṃsaṭṭhā tayo khandhā , tayo khandhe saṃsaṭṭho eko khandho , dve khandhe saṃsaṭṭhā dve khandhā ;ahetukapaṭisandhikkhaṇe vipākābyākataṃ ekaṃ khandhaṃ saṃsaṭṭhā tayo khandhā , tayo khandhe saṃsaṭṭho eko khandho , dve khandhe saṃsaṭṭhā dve khandhā .(1)
Naadhipatiādipaccayā
352. Kusalaṃ dhammaṃ saṃsaṭṭho kusalo dhammo uppajjati naadhipatipaccayā … napurejātapaccayā – arūpe [ āruppe ( sabbattha )] kusalaṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .
Akusalaṃ dhammaṃ … pe … abyākataṃ dhammaṃ … pe ….
Napacchājāta-naāsevanapaccayā
353. Kusalaṃ dhammaṃ saṃsaṭṭho kusalo dhammo uppajjati napacchājātapaccayā … tīṇi .
Naāsevanapaccayā … tīṇi .
Nakammapaccayo
354. Kusalaṃ
M1.115 dhammaṃ saṃsaṭṭho kusalo dhammo uppajjati nakammapaccayā .Kusale khandhe saṃsaṭṭhā kusalā cetanā .(1)
Akusalaṃ dhammaṃ saṃsaṭṭho akusalo dhammo uppajjati nakammapaccayā .
Akusale khandhe saṃsaṭṭhā akusalā cetanā .(1)
Abyākataṃ dhammaṃ saṃsaṭṭho abyākato dhammo uppajjati nakammapaccayā .
Kiriyābyākate
T1.137 khandhe saṃsaṭṭhā kiriyābyākatā cetanā .(1)Navipākapaccayo
355. Kusalaṃ
V1.133 dhammaṃ saṃsaṭṭho … pe … akusalaṃ dhammaṃ … pe … abyākataṃ dhammaṃ saṃsaṭṭho abyākato dhammo uppajjati navipākapaccayā – kiriyābyākataṃ ekaṃ khandhaṃ .( Saṃsaṭṭhavāre paccanīyavibhaṅge nakamme ca navipāke ca paṭisandhi natthi ; avasesesu sabbattha atthi .)
Najhānapaccayo
356. Abyākataṃ dhammaṃ saṃsaṭṭho abyākato dhammo uppajjati najhānapaccayā – pañcaviññāṇasahagataṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .(1)
Namaggapaccayo
357. Abyākataṃ dhammaṃ saṃsaṭṭho abyākato dhammo uppajjati namaggapaccayā – ahetukaṃ vipākābyākataṃ kiriyābyākataṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā ;
ahetukapaṭisandhikkhaṇe … pe ….(1)
Navippayuttapaccayo
358. Kusalaṃ dhammaṃ saṃsaṭṭho kusalo dhammo uppajjati navippayuttapaccayā – arūpe kusalaṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .(1)
Akusalaṃ
M1.116 dhammaṃ saṃsaṭṭho akusalo dhammo uppajjati navippayuttapaccayā – arūpe akusalaṃ ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .(1)Abyākataṃ dhammaṃ saṃsaṭṭho abyākato dhammo uppajjati navippayuttapaccayā – arūpe vipākābyākataṃ
V1.134 kiriyābyākataṃT1.138 ekaṃ khandhaṃ saṃsaṭṭhā tayo khandhā … pe … dve khandhe saṃsaṭṭhā dve khandhā .( Navippayutte paṭisandhi natthi .)(1)