Āsevanapaccayo

260. KusalaṃV1.86 dhammaṃ paccayā kusalo dhammo uppajjati āsevanapaccayāT1.93 – kusalaṃ ekaṃ khandhaṃ paccayā … pe ….

Akusalaṃ dhammaṃ paccayā akusalo dhammo uppajjati āsevanapaccayā – akusalaṃ ekaṃ khandhaṃ paccayā … pe ….

Abyākataṃ dhammaṃ paccayā abyākato dhammo uppajjati āsevanapaccayā – kiriyābyākataṃ ekaṃ khandhaṃ paccayā tayo khandhā , tayo khandhe paccayā eko khandho , dve khandhe paccayā dve khandhā , vatthuṃ paccayā kiriyābyākatā khandhā .

Abyākataṃ dhammaṃ paccayā kusalo dhammo uppajjati āsevanapaccayā – vatthuṃ paccayā kusalā khandhā .

Abyākataṃ dhammaṃ paccayā akusalo dhammo uppajjati āsevanapaccayā – vatthuṃ paccayā akusalā khandhā .

Kusalañca abyākatañca dhammaṃ paccayā … pe ….

AkusalañcaM1.76 abyākatañca dhammaṃ paccayā akusalo dhammo uppajjati āsevanapaccayā – akusalaṃ ekaṃ khandhañca vatthuñca paccayā tayo khandhā … pe ….