Nissayapaccayo

421. Kusalo dhammo kusalassa dhammassa nissayapaccayena paccayo – kusalo eko khandho tiṇṇannaṃ khandhānaṃ nissayapaccayena paccayo .

Tayo khandhā ekassa khandhassa nissayapaccayena paccayo .

Dve khandhā dvinnaṃ khandhānaṃ nissayapaccayena paccayo .(1)

Kusalo dhammo abyākatassa dhammassa nissayapaccayena paccayo – kusalā khandhā cittasamuṭṭhānānaṃ rūpānaṃ nissayapaccayena paccayo .(2)

KusaloT1.170 dhammo kusalassa ca abyākatassa ca dhammassa nissayapaccayena paccayo – kusalo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo .

Tayo khandhā ekassa khandhassa cittasamuṭṭhānānañca rūpānaṃ nissayapaccayena paccayo .

Dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo .(3)

Akusalo dhammo akusalassa dhammassa nissayapaccayena paccayo – akusalo eko khandho tiṇṇannaṃ khandhānaṃ nissayapaccayena paccayo .

TayoM1.143 khandhā ekassa khandhassa nissayapaccayena paccayo .

Dve khandhā dvinnaṃ khandhānaṃ nissayapaccayena paccayo .(1)

Akusalo dhammo abyākatassa dhammassa nissayapaccayena paccayo – akusalā khandhā cittasamuṭṭhānānaṃ rūpānaṃ nissayapaccayena paccayo .(2)

Akusalo dhammo akusalassa ca abyākatassa ca dhammassa nissayapaccayena paccayo – akusalo eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo .

TayoV1.165 khandhā ekassa khandhassa cittasamuṭṭhānānañca rūpānaṃ nissayapaccayena paccayo .

Dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo .(3)

Abyākato dhammo abyākatassa dhammassa nissayapaccayena paccayoT1.171 – vipākābyākato kiriyābyākato eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo .

Tayo khandhā ekassa khandhassa cittasamuṭṭhānānañca rūpānaṃ nissayapaccayena paccayo .

Dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo .

Paṭisandhikkhaṇe vipākābyākato eko khandho tiṇṇannaṃ khandhānaṃ kaṭattā ca rūpānaṃ nissayapaccayena paccayo .

Tayo khandhā ekassa khandhassa kaṭattā ca rūpānaṃ nissayapaccayena paccayo .

Dve khandhā dvinnaṃ khandhānaṃ kaṭattā ca rūpānaṃ nissayapaccayena paccayo .

Khandhā vatthussa nissayapaccayena paccayo .

Vatthu khandhānaṃ nissayapaccayena paccayo .

Ekaṃ mahābhūtaṃ tiṇṇannaṃ mahābhūtānaṃ nissayapaccayena paccayo .

Tayo mahābhūtā ekassa mahābhūtassa nissayapaccayena paccayo .

Dve mahābhūtā dvinnaṃ mahābhūtānaṃ nissayapaccayena paccayo .

Mahābhūtā cittasamuṭṭhānānaṃ rūpānaṃ , kaṭattārūpānaṃ , upādārūpānaṃ nissayapaccayena paccayo ;

bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ tiṇṇannaṃ mahābhūtānaṃ nissayapaccayena paccayo .

Tayo mahābhūtā ekassa mahābhūtassa nissayapaccayena paccayo .

Dve mahābhūtā dvinnaṃ mahābhūtānaṃ nissayapaccayena paccayo .

Mahābhūtā kaṭattārūpānaṃ , upādārūpānaṃ nissayapaccayena paccayo .

Cakkhāyatanaṃ cakkhuviññāṇassa nissayapaccayena paccayo .

Sotāyatanaṃ … pe … ghānāyatanaṃ … pe … jivhāyatanaṃT1.172 … pe … kāyāyatanaṃ kāyaviññāṇassa nissayapaccayena paccayo .

Vatthu vipākābyākatānaṃ kiriyābyākatānaṃ khandhānaṃ nissayapaccayena paccayo .

AbyākatoM1.144 dhammo kusalassa dhammassa nissayapaccayena paccayo – vatthu kusalānaṃ khandhānaṃ nissayapaccayena paccayo .(2)

Abyākato dhammo akusalassa dhammassa nissayapaccayena paccayo – vatthu akusalānaṃ khandhānaṃ nissayapaccayena paccayo .(3)

422. Kusalo ca abyākato ca dhammā kusalassa dhammassa nissayapaccayena paccayo – kusaloV1.166 eko khandho ca vatthu ca tiṇṇannaṃ khandhānaṃ nissayapaccayena paccayo .

Tayo khandhā ca vatthu ca ekassa khandhassa nissayapaccayena paccayo .

Dve khandhā ca vatthu ca dvinnaṃ khandhānaṃ nissayapaccayena paccayo .(1)

Kusalo ca abyākato ca dhammā abyākatassa dhammassa nissayapaccayena paccayo – kusalā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo .(2)

Akusalo ca abyākato ca dhammā akusalassa dhammassa nissayapaccayena paccayo – akusalo eko khandho ca vatthu ca tiṇṇannaṃ khandhānaṃ nissayapaccayena paccayo .

Tayo khandhā ca vatthu ca ekassa khandhassa nissayapaccayena paccayo .

Dve khandhā ca vatthu ca dvinnaṃ khandhānaṃ nissayapaccayena paccayo .(1)

AkusaloT1.173 ca abyākato ca dhammā abyākatassa dhammassa nissayapaccayena paccayo – akusalā khandhā ca mahābhūtā ca cittasamuṭṭhānānaṃ rūpānaṃ nissayapaccayena paccayo .(2)