Sampayuttapaccayo

433. Kusalo dhammo kusalassa dhammassa sampayuttapaccayena paccayo – kusalo eko khandhoV1.182 tiṇṇannaṃ khandhānaṃ sampayuttapaccayena paccayo .

TayoM1.159 khandhā ekassa khandhassa sampayuttapaccayena paccayo .

Dve khandhā dvinnaṃ khandhānaṃ sampayuttapaccayena paccayo .(1)

Akusalo dhammo akusalassa dhammassa sampayuttapaccayena paccayo – akusalo eko khandho tiṇṇannaṃ khandhānaṃ sampayuttapaccayena paccayo .

Tayo khandhā ekassa khandhassa sampayuttapaccayena paccayo .

Dve khandhā dvinnaṃ khandhānaṃ sampayuttapaccayena paccayo .(1)

Abyākato dhammo abyākatassa dhammassa sampayuttapaccayena paccayo – vipākābyākato kiriyābyākato eko khandho tiṇṇannaṃ khandhānaṃ sampayuttapaccayena paccayo .

Tayo khandhā ekassa khandhassa sampayuttapaccayena paccayo .

Dve khandhā dvinnaṃ khandhānaṃ sampayuttapaccayena paccayo .

Paṭisandhikkhaṇe vipākābyākato eko khandho tiṇṇannaṃ khandhānaṃ sampayuttapaccayena paccayo .

Tayo khandhā ekassa khandhassa sampayuttapaccayena paccayo .

Dve khandhā dvinnaṃ khandhānaṃ sampayuttapaccayena paccayo .(1)