Hetupaccayo

243. KusalaṃT1.85V1.79 dhammaṃ paccayā kusalo dhammo uppajjati hetupaccayā – kusalaṃ ekaṃ khandhaṃ paccayā tayo khandhā , tayo khandhe paccayā eko khandho , dve khandhe paccayā dve khandhā .

Kusalaṃ dhammaṃ paccayā abyākato dhammo uppajjati hetupaccayā – kusale khandhe paccayā cittasamuṭṭhānaṃ rūpaṃ .

Kusalaṃ dhammaṃ paccayā kusalo ca abyākato ca dhammā uppajjanti hetupaccayā – kusalaṃ ekaṃ khandhaṃ paccayā tayo khandhā cittasamuṭṭhānañca rūpaṃ , tayo khandhe paccayā eko khandho cittasamuṭṭhānañca rūpaṃ , dve khandhe paccayā dve khandhā cittasamuṭṭhānañca rūpaṃ .(3)

244. Akusalaṃ dhammaṃ paccayā akusalo dhammo uppajjati hetupaccayā – akusalaṃ ekaṃ khandhaṃ paccayā tayo khandhā , tayo khandhe paccayā eko khandho , dve khandhe paccayā dve khandhā .

Akusalaṃ dhammaṃ paccayā abyākato dhammo uppajjati hetupaccayā – akusale khandhe paccayā cittasamuṭṭhānaṃ rūpaṃ .

Akusalaṃ dhammaṃ paccayā akusalo ca abyākato ca dhammā uppajjantiM1.70 hetupaccayā – akusalaṃ ekaṃ khandhaṃ paccayā tayo khandhā cittasamuṭṭhānañca rūpaṃ , tayo khandhe paccayā eko khandho cittasamuṭṭhānañca rūpaṃ , dve khandhe paccayā dve khandhā cittasamuṭṭhānañca rūpaṃ .(3)

245. AbyākataṃT1.86 dhammaṃ paccayā abyākato dhammo uppajjati hetupaccayā – vipākābyākataṃ kiriyābyākataṃ ekaṃ khandhaṃ paccayā tayo khandhā cittasamuṭṭhānañca rūpaṃ , tayo khandhe paccayā eko khandho cittasamuṭṭhānañca rūpaṃ , dve khandhe paccayā dve khandhā cittasamuṭṭhānañca rūpaṃ ;

paṭisandhikkhaṇe vipākābyākataṃ ekaṃ khandhaṃ paccayā tayo khandhā kaṭattā ca rūpaṃ , tayo khandhe paccayā eko khandho kaṭattā ca rūpaṃ , dve khandhe paccayā dve khandhā kaṭattā ca rūpaṃV1.80 ;

khandhe paccayā vatthu , vatthuṃ paccayā khandhā ;

ekaṃ mahābhūtaṃ paccayā tayo mahābhūtā , tayo mahābhūte paccayā ekaṃ mahābhūtaṃ , dve mahābhūte paccayā dve mahābhūtā , mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ ;

vatthuṃ paccayā vipākābyākatā kiriyābyākatā khandhā .(1)

Abyākataṃ dhammaṃ paccayā kusalo dhammo uppajjati hetupaccayā – vatthuṃ paccayā kusalā khandhā .(2)

Abyākataṃ dhammaṃ paccayā akusalo dhammo uppajjati hetupaccayā – vatthuṃ paccayā akusalā khandhā .(3)

Abyākataṃ dhammaṃ paccayā kusalo ca abyākato ca dhammā uppajjanti hetupaccayā – vatthuṃ paccayā kusalā khandhā , mahābhūte paccayā cittasamuṭṭhānaṃ rūpaṃ .(4)

Abyākataṃ dhammaṃ paccayā akusalo ca abyākato ca dhammā uppajjanti hetupaccayā – vatthuṃ paccayā akusalā khandhā , mahābhūte paccayā cittasamuṭṭhānaṃ rūpaṃ .(5)

246. KusalañcaT1.87 abyākatañca dhammaṃ paccayā kusalo dhammo uppajjati hetupaccayā – kusalaṃ ekaṃ khandhañca vatthuñca paccayā tayo khandhā , tayo khandhe ca vatthuñca paccayā eko khandho , dve khandhe ca vatthuñca paccayā dve khandhā .

Kusalañca abyākatañca dhammaṃ paccayā abyākato dhammo uppajjati hetupaccayā – kusale khandhe ca mahābhūte ca paccayā cittasamuṭṭhānaṃ rūpaṃM1.71 .

Kusalañca abyākatañca dhammaṃ paccayā kusalo ca abyākato ca dhammā uppajjanti hetupaccayā – kusalaṃ ekaṃ khandhañca vatthuñca paccayā tayo khandhā , tayo khandhe ca vatthuñca paccayā eko khandho , dve khandhe ca vatthuñca paccayā dve khandhā , kusale khandhe ca mahābhūte ca paccayā cittasamuṭṭhānaṃ rūpaṃ .(3)

247. Akusalañca abyākatañca dhammaṃ paccayā akusalo dhammo uppajjati hetupaccayā – akusalaṃ ekaṃ khandhañca vatthuñca paccayā tayo khandhā , tayo khandhe ca vatthuñca paccayāV1.81 eko khandho , dve khandhe ca vatthuñca paccayā dve khandhā .

Akusalañca abyākatañca dhammaṃ paccayā abyākato dhammo uppajjati hetupaccayā – akusale khandhe ca mahābhūte ca paccayā cittasamuṭṭhānaṃ rūpaṃ .

Akusalañca abyākatañca dhammaṃ paccayā akusalo ca abyākato ca dhammā uppajjanti hetupaccayā – akusalaṃ ekaṃ khandhañca vatthuñca paccayā tayo khandhā , tayo khandhe ca vatthuñca paccayā eko khandhoT1.88 , dve khandhe ca vatthuñca paccayā dve khandhā , akusale khandhe ca mahābhūte ca paccayā cittasamuṭṭhānaṃ rūpaṃ .(3)