Issues
Editor
Settings
Paṭṭhānapāḷi
Paṭṭhānapāḷi

3. Paccayavāro

Author： _System_Pali_VRI_ @ Administrator

3. Paccayavāro

1. Paccayānulomaṃ
1. Vibhaṅgavāro
Hetupaccayo
58. Vipākaṃ dhammaṃ paccayā vipāko dhammo uppajjati hetupaccayā – vipākaṃ ekaṃ khandhaṃ paccayā tayo khandhā , tayo khandhe paccayā eko khandho , dve khandhe paccayā dve khandhā ;
paṭisandhikkhaṇe … pe ….(1)
VipākaṃV1.398 dhammaṃ paccayā nevavipākanavipākadhammadhammo uppajjati hetupaccayā – vipāke khandhe paccayā cittasamuṭṭhānaṃ rūpaṃ ;
paṭisandhikkhaṇe vipāke khandhe paccayā kaṭattārūpaṃ … pe ….(2)
Vipākaṃ dhammaṃ paccayā vipāko ca nevavipākanavipākadhammadhammo ca dhammā uppajjanti hetupaccayā – vipākaṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe paccayā dve khandhā cittasamuṭṭhānañca rūpaṃ ;
paṭisandhikkhaṇe … pe ….(3)
Vipākadhammadhammaṃ paccayā vipākadhammadhammo uppajjati hetupaccayāT1.431 – vipākadhammadhammaṃ ekaṃ khandhaṃ paccayā tayo khandhā … pe … dve khandhe paccayā dve khandhā .(1)
Vipākadhammadhammaṃ paccayā nevavipākanavipākadhammadhammo uppajjati hetupaccayā – vipākadhammadhamme khandhe paccayā cittasamuṭṭhānaṃ rūpaṃ .(2)
VipākadhammadhammaṃM1.351 paccayā vipākadhammadhammo ca nevavipākanavipākadhammadhammo ca dhammā uppajjanti hetupaccayā – vipākadhammadhammaṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe paccayā dve khandhā cittasamuṭṭhānañca rūpaṃ .(3)
Nevavipākanavipākadhammadhammaṃ paccayā nevavipākanavipākadhammadhammo uppajjati hetupaccayā – nevavipākanavipākadhammadhammaṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe paccayā dve khandhā cittasamuṭṭhānañca rūpaṃ , ekaṃ mahābhūtaṃ paccayā … pe … mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ , vatthuṃ paccayā nevavipākanavipākadhammadhammā khandhā .(1)
Nevavipākanavipākadhammadhammaṃ paccayā vipāko dhammo uppajjati hetupaccayā – vatthuṃ paccayā vipākā khandhā ;
paṭisandhikkhaṇe vatthuṃ paccayā vipākā khandhā .(2)
Nevavipākanavipākadhammadhammaṃ paccayā vipākadhammadhammo uppajjati hetupaccayā – vatthuṃ paccayā vipākadhammadhammā khandhā .(3)
Nevavipākanavipākadhammadhammaṃ paccayā vipāko ca nevavipākanavipākadhammadhammo ca dhammā uppajjantiV1.399 hetupaccayā – vatthuṃ paccayā vipākā khandhāT1.432 , mahābhūte paccayā cittasamuṭṭhānaṃ rūpaṃ ;
paṭisandhikkhaṇe vatthuṃ paccayā vipākā khandhā , mahābhūte paccayā kaṭattārūpaṃ .(4)
Nevavipākanavipākadhammadhammaṃ paccayā vipākadhammadhammo ca nevavipākanavipākadhammadhammo ca dhammā uppajjanti hetupaccayā – vatthuṃ paccayā vipākadhammadhammā khandhā , mahābhūte paccayā cittasamuṭṭhānaṃ rūpaṃ .(5)
59. Vipākañca nevavipākanavipākadhammadhammañca dhammaṃ paccayā vipāko dhammo uppajjati hetupaccayā – vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā ;
paṭisandhikkhaṇe vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Vipākañca nevavipākanavipākadhammadhammañca dhammaṃ paccayā nevavipākanavipākadhammadhammoV1.400 uppajjati hetupaccayā – vipāke khandhe ca mahābhūte ca paccayā cittasamuṭṭhānaṃ rūpaṃ ;
paṭisandhikkhaṇe vipāke khandhe ca mahābhūte ca paccayā kaṭattārūpaṃ .(2)
VipākañcaM1.352 nevavipākanavipākadhammadhammañca dhammaṃ paccayā vipāko ca nevavipākanavipākadhammadhammo ca dhammā uppajjanti hetupaccayā – vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā , vipāke khandhe ca mahābhūte ca paccayā cittasamuṭṭhānaṃ rūpaṃ ;
paṭisandhikkhaṇe vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhāT1.433 , vipāke khandhe ca mahābhūte ca paccayā kaṭattārūpaṃ .(3)
60. Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo uppajjati hetupaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Vipākadhammadhammañca nevavipākanavipākadhammadhammañca dhammaṃ paccayā nevavipākanavipākadhammadhammo uppajjati hetupaccayā – vipākadhammadhamme khandhe ca mahābhūte ca paccayā cittasamuṭṭhānaṃ rūpaṃ .(2)
Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo ca nevavipākanavipākadhammadhammo ca dhammā uppajjanti hetupaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā , vipākadhammadhamme khandhe ca mahābhūte ca paccayā cittasamuṭṭhānaṃ rūpaṃ .(3)
Ārammaṇapaccayo
61. Vipākaṃ dhammaṃ paccayā vipāko dhammo uppajjati ārammaṇapaccayā – vipākaṃ ekaṃ khandhaṃ paccayā tayo khandhā … pe … dve khandhe paccayā dve khandhā ;
paṭisandhikkhaṇe … pe ….(1)
Vipākadhammadhammaṃ paccayā vipākadhammadhammo uppajjati ārammaṇapaccayā – vipākadhammadhammaṃ ekaṃ khandhaṃ paccayā tayo khandhā … pe … dve khandhe paccayā dve khandhā .(1)
Nevavipākanavipākadhammadhammaṃ paccayā nevavipākanavipākadhamma-dhammoT1.434 uppajjati ārammaṇapaccayā – nevavipākanavipākadhammadhammaṃ ekaṃ khandhaṃ paccayā tayo khandhā … pe … dve khandhe paccayā dve khandhā , vatthuṃ paccayā nevavipākanavipākadhammadhammā khandhā .(1)
Nevavipākanavipākadhammadhammaṃ paccayā vipāko dhammo uppajjati ārammaṇapaccayā – cakkhāyatanaṃ paccayā cakkhuviññāṇaṃ , sotāyatanaṃ paccayā sotaviññāṇaṃM1.353 , ghānāyatanaṃ paccayā ghānaviññāṇaṃ , jivhāyatanaṃ paccayā jivhāviññāṇaṃ , kāyāyatanaṃ paccayā kāyaviññāṇaṃ ;
vatthuṃ paccayā vipākā khandhā , paṭisandhikkhaṇe vatthuṃ paccayā vipākā khandhā .(2)
Nevavipākanavipākadhammadhammaṃ paccayā vipākadhammadhammo uppajjati ārammaṇapaccayā – vatthuṃ paccayā vipākadhammadhammā khandhā .(3)
VipākañcaV1.401 nevavipākanavipākadhammadhammañca dhammaṃ paccayā vipāko dhammo uppajjati ārammaṇapaccayā – cakkhuviññāṇasahagataṃ ekaṃ khandhañca cakkhāyatanañca paccayā tayo khandhā … pe … dve khandhe ca cakkhāyatanañca paccayā dve khandhā , sota … ghāna … jivhā … kāya … vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā ;
paṭisandhikkhaṇe vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Vipākadhammadhammañca nevavipākanavipākadhammadhammañca dhammaṃT1.435 paccayā vipākadhammadhammo uppajjati ārammaṇapaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Adhipatipaccayo
62. Vipākaṃ dhammaṃ paccayā vipāko dhammo uppajjati adhipatipaccayā – vipākaṃ ekaṃ khandhaṃ paccayā … tīṇi ( adhipatiyā paṭisandhikkhaṇe natthi ).
Vipākadhammadhammaṃ paccayā … tīṇi .
Nevavipākanavipākadhammadhammaṃ paccayā nevavipākanavipākadhammadhammo uppajjati adhipatipaccayā – nevavipākanavipākadhammadhammaṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe paccayā dve khandhā cittasamuṭṭhānañca rūpaṃ , ekaṃ mahābhūtaṃ paccayā tayo mahābhūtā … pe … mahābhūte paccayā cittasamuṭṭhānaṃ rūpaṃ upādārūpaṃ , vatthuṃ paccayā nevavipākanavipākadhammadhammā khandhā .(1)
Nevavipākanavipākadhammadhammaṃ paccayā vipāko dhammo uppajjati adhipatipaccayā – vatthuṃ paccayā vipākā khandhā .(2)
Nevavipākanavipākadhammadhammaṃ paccayā vipākadhammadhammo uppajjati adhipatipaccayā – vatthuṃ paccayā vipākadhammadhammā khandhā .(3)
NevavipākanavipākadhammadhammaṃV1.402M1.354 paccayā vipāko ca nevavipākanavipākadhammadhammo ca dhammā uppajjanti adhipatipaccayā – vatthuṃ paccayā vipākā khandhā , mahābhūte paccayā cittasamuṭṭhānaṃ rūpaṃ .(4)
NevavipākanavipākadhammadhammaṃT1.436 paccayā vipākadhammadhammo ca nevavipākanavipākadhammadhammo ca dhammā uppajjanti adhipatipaccayā – vatthuṃ paccayā vipākadhammadhammā khandhā , mahābhūte paccayā cittasamuṭṭhānaṃ rūpaṃ .(5)
63. Vipākañca nevavipākanavipākadhammadhammañca dhammaṃ paccayā vipāko dhammo uppajjati adhipatipaccayā – vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Vipākañca nevavipākanavipākadhammadhammañca dhammaṃ paccayā nevavipākanavipākadhammadhammo uppajjati adhipatipaccayā – vipāke khandhe ca mahābhūte ca paccayā cittasamuṭṭhānaṃ rūpaṃ .(2)
Vipākañca nevavipākanavipākadhammadhammañca dhammaṃ paccayā vipāko ca nevavipākanavipākadhammadhammo ca dhammā uppajjanti adhipatipaccayā – vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā , vipāke khandhe ca mahābhūte ca paccayā cittasamuṭṭhānaṃ rūpaṃ .(3)
64. Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo uppajjati adhipatipaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Vipākadhammadhammañca nevavipākanavipākadhammadhammañca dhammaṃ paccayā nevavipākanavipākadhammadhammoV1.403 uppajjati adhipatipaccayā – vipākadhammadhamme khandhe ca mahābhūte ca paccayāT1.437 cittasamuṭṭhānaṃ rūpaṃ .(2)
Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo ca nevavipākanavipākadhammadhammo ca dhammā uppajjanti adhipatipaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā , vipākadhammadhamme khandhe ca mahābhūte ca paccayā cittasamuṭṭhānaṃ rūpaṃ .(3)
Anantara-samanantarapaccayā
65. VipākaṃM1.355 dhammaṃ paccayā vipāko dhammo uppajjati anantarapaccayā … samanantarapaccayā ( ārammaṇapaccayasadisaṃ ).
Aññamaññapaccayo
66. Sahajātapaccayā … pe … aññamaññapaccayā – vipākaṃ ekaṃ khandhaṃ paccayā tayo khandhā … pe … dve khandhe paccayā dve khandhā ;
paṭisandhikkhaṇe vipākaṃ ekaṃ khandhaṃ paccayā tayo khandhā … pe … dve khandhe paccayā dve khandhā .(1)
Vipākaṃ dhammaṃ paccayā nevavipākanavipākadhammadhammo uppajjati aññamaññapaccayā – paṭisandhikkhaṇe vipāke khandhe paccayā vatthu .(2)
Vipākaṃ dhammaṃ paccayā vipāko ca nevavipākanavipākadhammadhammo ca dhammā uppajjanti aññamaññapaccayā – paṭisandhikkhaṇe vipākaṃ ekaṃ khandhaṃ paccayā tayo khandhā vatthu ca … pe … dve khandhe paccayā dve khandhā vatthu ca .(3)
67. Vipākadhammadhammaṃ paccayā vipākadhammadhammo uppajjati aññamaññapaccayā – vipākadhammadhammaṃ ekaṃ khandhaṃ paccayā tayo khandhā … pe … dve khandhe paccayā dve khandhā .(1)
NevavipākanavipākadhammadhammaṃT1.438V1.404 paccayā nevavipākanavipākadhammadhammo uppajjati aññamaññapaccayā – nevavipākanavipākadhammadhammaṃ ekaṃ khandhaṃ paccayā tayo khandhā … pe … dve khandhe paccayā dve khandhā , ekaṃ mahābhūtaṃ paccayā tayo mahābhūtā … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paccayā tayo mahābhūtā … pe … dve mahābhūte paccayā dve mahābhūtā ;
vatthuṃ paccayā nevavipākanavipākadhammadhammā khandhā .(1)
Nevavipākanavipākadhammadhammaṃ paccayā vipāko dhammo uppajjati aññamaññapaccayā – cakkhāyatanaṃ paccayā cakkhuviññāṇaṃ … pe … kāyāyatanaṃ paccayā kāyaviññāṇaṃ , vatthuṃ paccayā vipākā khandhā ;
paṭisandhikkhaṇe vatthuṃ paccayā vipākā khandhā .(2)
Nevavipākanavipākadhammadhammaṃ paccayā vipākadhammadhammo uppajjati aññamaññapaccayā – vatthuṃ paccayā vipākadhammadhammā khandhā .(3)
VipākañcaM1.356 nevavipākanavipākadhammadhammañca dhammaṃ paccayā vipāko dhammo uppajjati aññamaññapaccayā – cakkhuviññāṇasahagataṃ ekaṃ khandhañca cakkhāyatanañca paccayā tayo khandhā … pe … dve khandhe ca cakkhāyatanañca paccayā dve khandhā , sota … ghāna … jivhā … kāya … pe … vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā ;
paṭisandhikkhaṇe vipākaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayāT1.439 dve khandhā .(1)
Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo uppajjati aññamaññapaccayā – vipākadhammadhammaṃ ekaṃ khandhañca vatthuñca paccayā tayo khandhā … pe … dve khandhe ca vatthuñca paccayā dve khandhā .(1)
Nissayapaccayo
68. VipākaṃV1.405 dhammaṃ paccayā vipāko dhammo uppajjati nissayapaccayā ( sahajātasadisaṃ ).
Upanissaya-purejātapaccayā
69. Upanissayapaccayā … purejātapaccayā – vipākaṃ ekaṃ khandhaṃ paccayā tayo khandhā … pe … dve khandhe paccayā dve khandhā , vatthuṃ purejātapaccayā ( anantarasadisaṃ . Saṃkhittaṃ ).
Āsevanapaccayo
70. Vipākadhammadhammaṃ paccayā vipākadhammadhammo uppajjati āsevanapaccayā – vipākadhammadhammaṃ ekaṃ khandhaṃ paccayā tayo khandhā , tayo khandhe paccayā eko khandho , dve khandhe paccayā dve khandhā .(1)
Nevavipākanavipākadhammadhammaṃ paccayā nevavipākanavipākadhammadhammo uppajjati āsevanapaccayā – nevavipākanavipākadhammadhammaṃ ekaṃ khandhaṃ paccayā … pe … vatthuṃ paccayā nevavipākanavipākadhammadhammā khandhā .(1)
Nevavipākanavipākadhammadhammaṃ paccayā vipākadhammadhammo uppajjati āsevanapaccayā – vatthuṃ paccayā vipākadhammadhammā khandhā .(2)
Vipākadhammadhammañca nevavipākanavipākadhammadhammañca dhammaṃT1.440 paccayā vipākadhammadhammo uppajjati āsevanapaccayā – vipākadhammadhammaṃ ekaṃ khandhañca vatthuñca paccayā tayo khandhāM1.357 , tayo khandhe ca vatthuñca paccayā eko khandho , dve khandhe ca vatthuñca paccayā dve khandhā .(1)
Kammapaccayo
71. VipākaṃV1.406 dhammaṃ paccayā vipāko dhammo uppajjati kammapaccayā … tīṇi ( sahajātasadisaṃ ).
Vipākapaccayo
72. Vipākaṃ dhammaṃ paccayā vipāko dhammo uppajjati vipākapaccayā … tīṇi .
Nevavipākanavipākadhammadhammaṃ paccayā nevavipākanavipākadhammadhammo uppajjati vipākapaccayā – ekaṃ mahābhūtaṃ paccayā tayo mahābhūtā … pe … dve mahābhūte paccayā dve mahābhūtā , mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ … pe … vipāko ca ubhayañca … tīṇi .
Vipākañca nevavipākanavipākadhammadhammañca … tīṇi .
Āhārapaccayādi
Āhārapaccayā … indriyapaccayā … jhānapaccayā … maggapaccayā … sampayuttapaccayā … vippayuttapaccayā … atthipaccayā … natthipaccayā … vigatapaccayā … avigatapaccayā .
1. Paccayānulomaṃ
2. Saṅkhyāvāro
Suddhaṃ
73. Hetuyā sattarasa , ārammaṇe satta , adhipatiyā sattarasa , anantare satta , samanantare satta , sahajāte sattarasa , aññamaññe nava , nissaye sattarasa , upanissaye satta , purejāte satta , āsevane cattāri , kamme sattarasa , vipāke nava , āhāre sattarasa , indriye sattarasa , jhāne sattarasa , magge sattarasa , sampayutteT1.441 satta , vippayutte sattarasa , atthiyā sattarasa , natthiyā satta , vigate satta , avigate sattarasa .
Hetudukaṃ
74. HetupaccayāV1.407M1.358 ārammaṇe satta , adhipatiyā sattarasa … pe … avigate sattarasa .
( Yathā kusalattike gaṇanā , evaṃ gaṇetabbaṃ .)
Anulomaṃ .
2. Paccayapaccanīyaṃ
1. Vibhaṅgavāro
Nahetupaccayo
75. Vipākaṃ dhammaṃ paccayā vipāko dhammo uppajjati nahetupaccayā – ahetukaṃ vipākaṃ ekaṃ khandhaṃ paccayā … tīṇi .
Vipākadhammadhammaṃ paccayā vipākadhammadhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho .
Nevavipākanavipākadhammadhammaṃ paccayā nevavipākanavipākadhammadhammo uppajjati nahetupaccayā – ahetukaṃ nevavipākanavipākadhammadhammaṃ ekaṃ khandhaṃ paccayā … pe ….(1)
Nevavipākanavipākadhammadhammaṃ paccayā vipāko dhammo uppajjati nahetupaccayā – cakkhāyatanaṃ paccayā cakkhuviññāṇaṃ … pe ….(2)
Nevavipākanavipākadhammadhammaṃ paccayā vipākadhammadhammo uppajjati nahetupaccayā – vatthuṃ paccayā vicikicchāsahagato uddhaccasahagato moho .(3)
NevavipākanavipākadhammadhammaṃV1.408 paccayā vipāko ca nevavipākanavipākadhammadhammo ca dhammā uppajjanti nahetupaccayā – vatthuṃ paccayā ahetukā vipākā khandhā , mahābhūte paccayā cittasamuṭṭhānaṃ rūpaṃ , ahetukapaṭisandhikkhaṇe … pe …(4)
76. VipākañcaM1.359 nevavipākanavipākadhammadhammañcaT1.442 dhammaṃ paccayā vipāko dhammo uppajjati … pe … nevavipākanavipākadhammadhammo uppajjati … pe … vipāko ca nevavipākanavipākadhammadhammo ca dhammā uppajjanti nahetupaccayā … pe … tīṇi .
Vipākadhammadhammañca nevavipākanavipākadhammadhammañca dhammaṃ paccayā vipākadhammadhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho .(1)
Naārammaṇapaccayo
77. Vipākaṃ dhammaṃ paccayā nevavipākanavipākadhammadhammo uppajjati naārammaṇapaccayā ( saṃkhittaṃ . Sabbāni padāni vitthāretabbāni .)
2. Paccayapaccanīyaṃ
2. Saṅkhyāvāro
Suddhaṃ
78. Nahetuyā dvādasa , naārammaṇe pañca , naadhipatiyā sattarasa , naanantare pañca , nasamanantare pañca , naaññamaññe pañca , naupanissaye pañca , napurejāte dvādasa , napacchājāte sattarasa , naāsevane sattarasa , nakamme cattāri , navipāke nava , naāhāre ekaṃ , naindriye ekaṃ , najhāne cattāri , namagge nava , nasampayutte pañca , navippayutte tīṇi , nonatthiyā pañca , novigate pañca .
Nahetudukaṃ
79. NahetupaccayāV1.409 naārammaṇe tīṇi , naadhipatiyā dvādasa , naanantare tīṇi , nasamanantare tīṇi … pe … nakamme ekaṃ , navipāke cattāri , naāhāre ekaṃ , naindriye ekaṃ , najhāne cattāri , namagge nava , nasampayutte tīṇi , navippayutte dve , nonatthiyā tīṇi , novigate tīṇi .
( Yathā kusalattike paccanīyagaṇanā , evaṃ gaṇetabbaṃ .)
Paccanīyaṃ .
3. Paccayānulomapaccanīyaṃ
Hetudukaṃ
80. HetupaccayāT1.443M1.360 naārammaṇe pañca , naadhipatiyā sattarasa … pe … novigate pañca .
( Yathā kusalattike anulomapaccanīyagaṇanā , evaṃ gaṇetabbaṃ .)
Anulomapaccanīyaṃ .
4. Paccayapaccanīyānulomaṃ
Nahetudukaṃ
81. Nahetupaccayā ārammaṇe satta , anantare satta , samanantare satta , sahajāte dvādasa , aññamaññe nava , nissaye dvādasa , upanissaye satta , purejāte satta , āsevane cattāri , kamme dvādasaV1.410 , vipāke nava , āhāre dvādasa , indriye dvādasa , jhāne dvādasa , magge tīṇi , sampayutte satta , vippayutte dvādasa , atthiyā dvādasa , natthiyā satta , vigate satta , avigate dvādasa .
Tikaṃ
Nahetupaccayā naārammaṇapaccayā sahajāte tīṇi , aññamaññe dve … pe … avigate tīṇi .
( Yathā kusalattike paccanīyānulomagaṇanā , evaṃ gaṇetabbaṃ .)
Paccanīyānulomaṃ .
Paccayavāro .