Sahajātapaccayo

255. Kusalaṃ dhammaṃ paccayā kusalo dhammo uppajjati sahajātapaccayā – kusalaṃ ekaṃ khandhaṃ paccayā … tīṇi .

Akusalaṃ dhammaṃ paccayā … tīṇi .

Abyākataṃ dhammaṃ paccayā abyākato dhammo uppajjati sahajātapaccayā – vipākābyākataṃ kiriyābyākataṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … paṭisandhikkhaṇe … pe … ekaṃ mahābhūtaṃ paccayā … pe … bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃ mahābhūtaṃ paccayā … pe … mahābhūte paccayā kaṭattārūpaṃ upādārūpaṃ , cakkhāyatanaṃ paccayā cakkhuviññāṇaṃ … pe … kāyāyatanaṃ paccayā kāyaviññāṇaṃ , vatthuṃ paccayā vipākābyākatā kiriyābyākatā khandhā .

Abyākataṃ dhammaṃ paccayā kusalo dhammo uppajjati sahajātapaccayā – vatthuṃ paccayā kusalā khandhā .

( Yathā hetupaccayaṃ , evaṃ vitthāretabbaṃ .)