Navipākapaccayo

40. Vipākadhammadhammaṃ paṭicca vipākadhammadhammo uppajjati navipākapaccayā – vipākadhammadhammaṃ ekaṃ khandhaṃ paṭicca tayo khandhā … pe … dve khandhe paṭicca dve khandhā .(1)

Vipākadhammadhammaṃ paṭicca nevavipākanavipākadhammadhammo uppajjati navipākapaccayā – vipākadhammadhamme khandhe paṭicca cittasamuṭṭhānaṃ rūpaṃ .(2)

Vipākadhammadhammaṃ paṭicca vipākadhammadhammo ca nevavipākanavipākadhammadhammo ca dhammā uppajjanti navipākapaccayā – vipākadhammadhammaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe paṭicca dve khandhā cittasamuṭṭhānañca rūpaṃ .(3)

41. Nevavipākanavipākadhammadhammaṃ paṭicca nevavipākanavipākadhammadhammo uppajjati navipākapaccayā – nevavipākanavipākadhammadhammaṃ ekaṃ khandhaṃ paṭicca tayo khandhā cittasamuṭṭhānañcaV1.391 rūpaṃ … pe … dve khandhe paṭicca dve khandhā cittasamuṭṭhānañca rūpaṃ .

Ekaṃ mahābhūtaṃ paṭicca tayo mahābhūtā … pe … mahābhūte paṭicca cittasamuṭṭhānaṃ rūpaṃ upādārūpaṃT1.425 ;

bāhiraṃ … āhārasamuṭṭhānaṃ … utusamuṭṭhānaṃ … asaññasattānaṃ ekaṃM1.345 mahābhūtaṃ paṭicca tayo mahābhūtā … pe … mahābhūte paṭicca kaṭattārūpaṃ upādārūpaṃ .(1)

Vipākadhammadhammañca nevavipākanavipākadhammadhammañca dhammaṃ paṭicca nevavipākanavipākadhammadhammo uppajjati navipākapaccayā – vipākadhammadhamme khandhe ca mahābhūte ca paṭicca cittasamuṭṭhānaṃ rūpaṃ .(1)