Issues
Editor
Settings
Versions
Select Version
🙏日光的法宝🙏
中文
Paṭṭhānapāḷi
Paṭṭhānapāḷi

4. Paccayapaccanīyānulomaṃ

Author： _System_Pali_VRI_ @ Administrator

4. Paccayapaccanīyānulomaṃ
49. SiyāV1.19M1.18 kusalaṃ dhammaṃ paṭicca kusalo dhammo uppajjeyya nahetupaccayā ārammaṇapaccayā .
Siyā kusalaṃ dhammaṃ paṭicca kusalo dhammo uppajjeyya nahetupaccayā adhipatipaccayā … pe … nahetupaccayā avigatapaccayā .
50. Siyā kusalaṃ dhammaṃ paṭicca kusalo dhammo uppajjeyya nahetupaccayā naārammaṇapaccayā adhipatipaccayā … pe … avigatapaccayā .
Nahetupaccayā naārammaṇapaccayā naadhipatipaccayā … pe … avigatapaccayā .
Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā … pe … noatthipaccayā nonatthipaccayā novigatapaccayā avigatapaccayā .
51. Siyā kusalaṃ dhammaṃ paṭicca kusalo dhammo uppajjeyya naārammaṇapaccayāT1.24 hetupaccayā .
52. Siyā kusalaṃ dhammaṃ paṭicca kusalo dhammo uppajjeyya naārammaṇapaccayā adhipatipaccayā … pe … naārammaṇapaccayā avigatapaccayā … pe … noavigatapaccayā hetupaccayā … noavigatapaccayā ārammaṇapaccayā … pe … noavigatapaccayā vigatapaccayā .
Noavigatapaccayā nahetupaccayā ārammaṇapaccayā … pe … noavigatapaccayā nahetupaccayā vigatapaccayā .
Noavigatapaccayā nahetupaccayā naārammaṇapaccayā naadhipatipaccayā … pe … noatthipaccayā nonatthipaccayā vigatapaccayā .
( Gha ) tikañcaV1.20 paṭṭhānavaraṃ dukuttamaṃ ,
Dukaṃ tikañceva tikaṃ dukañca ;
Tikaṃ tikañceva dukaṃ dukañca ,
Cha paccanīyānulomamhi nayā sugambhīrāti .
Pucchāvāro .
Niddesavāre tevīsatipaccayā .