1. Paṭhamavaggo
188.‘‘ Etadaggaṃ
V1.31T1.31 , bhikkhave , mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño ’’[ aññātakoṇḍaññoti ( ka .), aññākoṇḍañño ( sī . syā . kaṃ . pī .)]. 189.… Mahāpaññānaṃ yadidaṃ sāriputto .
190.… Iddhimantānaṃ yadidaṃ mahāmoggallāno .
191.… Dhutavādānaṃ [ dhutaṅgadharānaṃ ( katthaci )] yadidaṃ mahākassapo .
192.… Dibbacakkhukānaṃ yadidaṃ anuruddho .
193.… Uccākulikānaṃ yadidaṃ bhaddiyo kāḷigodhāyaputto .
194.… Mañjussarānaṃ yadidaṃ lakuṇḍaka [ lakuṇṭaka ( syā . kaṃ .)] bhaddiyo .
195.… Sīhanādikānaṃ
M1.24 yadidaṃ piṇḍolabhāradvājo . 196.… Dhammakathikānaṃ yadidaṃ puṇṇo mantāṇiputto .
197.… Saṃkhittena bhāsitassa vitthārena atthaṃ vibhajantānaṃ yadidaṃ mahākaccānoti .
Vaggo paṭhamo .