8. Hemakamāṇavapucchā
109.
‘‘ Ye me pubbe viyākaṃsu ,[ iccāyasmā hemako ]
Huraṃ gotamasāsanā ;
Iccāsi iti bhavissati , sabbaṃ taṃ itihītihaṃ ;
Sabbaṃ taṃ takkavaḍḍhanaṃ , nāhaṃ tattha abhiramiṃ .
110.
‘‘ Tvañca me dhammamakkhāhi , taṇhānigghātanaṃ muni ;
Yaṃ viditvā sato caraṃ , tare loke visattikaṃ ’’.
111.
‘‘ Idha diṭṭhasutamutaviññātesu , piyarūpesu hemaka ;
Chandarāgavinodanaṃ , nibbānapadamaccutaṃ .
112.
‘‘ Etadaññāya
V0.13 ye satā , diṭṭhadhammābhinibbutā ;Upasantā ca te sadā , tiṇṇā loke visattikan ’’ ti .
Hemakamāṇavapucchā aṭṭhamā .