9. Todeyyamāṇavapucchā
113.
‘‘ Yasmiṃ
M0.15 kāmā na vasanti ,[ iccāyasmā todeyyo ]Taṇhā yassa na vijjati ;
Kathaṃkathā ca yo tiṇṇo , vimokkho tassa kīdiso ’’.
114.
‘‘ Yasmiṃ kāmā na vasanti ,[ todeyyāti bhagavā ]
Taṇhā yassa na vijjati ;
Kathaṃkathā ca yo tiṇṇo , vimokkho tassa nāparo ’’.
115.
‘‘ Nirāsaso so uda āsasāno [ āsayāno ( ka .)], paññāṇavā so uda paññakappī ;
Muniṃ ahaṃ sakka yathā vijaññaṃ , taṃ me viyācikkha samantacakkhu ’’.
116.
‘‘ Nirāsaso so na ca āsasāno , paññāṇavā so na ca paññakappī ;
Evampi todeyya muniṃ vijāna , akiñcanaṃ kāmabhave asattan ’’ ti .
Todeyyamāṇavapucchā navamā .