9. Sasaṅkhārasuttavaṇṇanā
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti .
Tesu eko vipassanindriyānaṃ balavattā idheva kilesaparinibbānena parinibbāyati , eko indriyānaṃ dubbalatāya
M2.346 idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati , tatiyacatutthā samathayānikā .Tesaṃ eko asaṅkhārena appayogena indriyānaṃ balavattā idheva kilese khepeti , eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo .