3. Bhaddiyasuttavaṇṇanā
193. Tatiye
V2.364 upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami .Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo .
Sārambhoti karaṇuttariyalakkhaṇo sārambho .
Alobhā dayo lobhādipaṭipakkhavasena veditabbā .
Kusaladhammūpasampadāyāti kusaladhammānaṃ sampādanatthāya , paṭilābhatthāyāti vuttaṃ hoti .
Ime cepi , bhaddiya , mahāsālāti purato ṭhite sālarukkhe dassento evamāha .
Sesamettha heṭṭhā vuttanayattā uttānatthattā ca suviññeyyameva .
Satthari pana desanaṃ vinivaṭṭente bhaddiyo sotāpanno jātoti .