5. Rāmaṇeyyakasuttavaṇṇanā
261. Āramanti ettha sattāti ārāmā , manoramā upavanādayo .
Te eva cetenti ettha saddhāya attano pītisomanassaṃ sandhahantīti cetiyāti ca vuccanti .
Manussaramaṇīyabhāvassāti manussānaṃ āramaṇīyabhāvassa .
Tassa pana sīlādiguṇavasena acinteyyāparimeyyānubhāvatāpi hotīti bhagavā ‘‘ nāgghanti soḷasin ’’ ti avoca .
Acetanāya bhūmiyā ramaṇīyatā nāma guṇavisiṭṭhānaṃ ariyānaṃ sevanavasena veditabbāti vuttaṃ ‘‘ idāni … pe … gāme vātiādimāhā ’’ ti .
Rāmaṇeyyakasuttavaṇṇanā niṭṭhitā .