8. Aṭṭhamasikkhāpadaṃ
768. Tena samayena buddho bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena aññatarassa pūgassa pariveṇavāsikā bhikkhuniyo yāguyā kilamanti .
Atha kho so pūgo bhikkhunīnaṃ yāguatthāya chandakaṃ saṅgharitvā aññatarassa āpaṇikassa
V0.343 ghare parikkhāraṃ nikkhipitvā bhikkhuniyo upasaṅkamitvā etadavoca –‘‘ amukassa , ayye , āpaṇikassa ghare yāguatthāya parikkhāro nikkhitto , tato taṇḍulaṃ āharāpetvā yāguṃ pacāpetvā paribhuñjathā ’’ ti .
Bhikkhuniyo tena parikkhārena bhesajjaṃ cetāpetvā paribhuñjiṃsu .
So pūgo jānitvā ujjhāyati khiyyati vipāceti –
‘‘ kathañhi nāma bhikkhuniyo aññadatthikena parikkhārena aññuddisikena mahājanikena aññaṃ cetāpessantī ’’ ti … pe …
T0.83 saccaṃ kira , bhikkhave , bhikkhuniyo aññadatthikena parikkhārena aññuddisikena mahājanikenaM0.331 aññaṃ cetāpentīti ?‘‘ Saccaṃ , bhagavā ’’ ti
P4.253 .Vigarahi buddho bhagavā … pe … kathañhi nāma , bhikkhave , bhikkhuniyo aññadatthikena parikkhārena aññuddisikena mahājanikena aññaṃ cetāpessanti !
Netaṃ , bhikkhave , appasannānaṃ vā pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –
769.‘‘ Yā pana bhikkhunī aññadatthikena parikkhārena aññuddisikena mahājanikena aññaṃ cetāpeyya , nissaggiyaṃ pācittiyan ’’ ti .
770. Yā panāti yā yādisā … pe … bhikkhunīti … pe … ayaṃ imasmiṃ atthe adhippetā bhikkhunīti .
Aññadatthikena parikkhārena aññuddisikenāti aññassatthāya dinnena .
Mahājanikenāti gaṇassa , na saṅghassa , na ekabhikkhuniyā .
Aññaṃ cetāpeyyāti yaṃatthāya dinnaṃ taṃ ṭhapetvā aññaṃ cetāpeti , payoge dukkaṭaṃ .
Paṭilābhena nissaggiyaṃ hoti .
Nissajjitabbaṃ saṅghassa vā gaṇassa vā ekabhikkhuniyā vā .
Evañca pana , bhikkhave , nissajjitabbaṃ … pe …‘‘ idaṃ me , ayye , aññadatthikena parikkhārena aññuddisikena mahājanikena aññaṃ cetāpitaṃ nissaggiyaṃ imāhaṃ saṅghassa nissajjāmī ’’ ti … pe … dadeyyāti … pe … dadeyyunti … pe … ayyāya dammīti .
771. Aññadatthike
T0.84 aññadatthikasaññā aññaṃ cetāpeti , nissaggiyaṃ pācittiyaṃ .Aññadatthike vematikā aññaṃ cetāpeti , nissaggiyaṃ pācittiyaṃ .
Aññadatthike anaññadatthikasaññā
V0.344 aññaṃ cetāpeti , nissaggiyaṃ pācittiyaṃ .Nissaṭṭhaṃ paṭilabhitvā yathādāne upanetabbaṃ .
Anaññadatthike aññadatthikasaññā , āpatti dukkaṭassa .
Anaññadatthike vematikā , āpatti dukkaṭassa .
Anaññadatthike anaññadatthikasaññā , anāpatti .
772. Anāpatti sesakaṃ upaneti , sāmike apaloketvā upaneti , āpadāsu , ummattikāya , ādikammikāyāti .
Aṭṭhamasikkhāpadaṃ niṭṭhitaṃ .