7. Sattamasikkhāpadaṃ
1050. Tena
T0.191 samayena buddho bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena sambahulā bhikkhuniyo gāmakāvāse vassaṃvuṭṭhā sāvatthiṃ agamaṃsu .
Bhikkhuniyo tā bhikkhuniyo etadavocuṃ –
‘‘ katthāyyāyo vassaṃvuṭṭhā ;
kattha [ kacci ( syā .)] bhikkhusaṅgho pavārito ’’ ti
P4.314 ?‘‘ Na mayaṃ , ayye , bhikkhusaṅghaṃ pavāremā ’’ ti .
Yā tā bhikkhuniyo appicchā … pe … tā ujjhāyanti khiyyanti vipācenti –
‘‘ kathañhi nāma bhikkhuniyo vassaṃvuṭṭhā bhikkhusaṅghaṃ na pavāressantī ’’ ti … pe … saccaṃ kira , bhikkhave , bhikkhuniyo vassaṃvuṭṭhā bhikkhusaṅghaṃ na pavārentīti ?
‘‘ Saccaṃ , bhagavā ’’ ti .
Vigarahi buddho bhagavā … pe … kathañhi nāma , bhikkhave , bhikkhuniyo vassaṃvuṭṭhā
M0.413 bhikkhusaṅghaṃ na pavāressanti !Netaṃ , bhikkhave , appasannānaṃ vā pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –
1051.‘‘ Yā
V0.429 pana bhikkhunī vassaṃvuṭṭhā ubhatosaṅghe tīhi ṭhānehi na pavāreyya diṭṭhena vā sutena vā parisaṅkāya vā , pācittiyan ’’ ti . 1052. Yā panāti yā yādisā … pe … bhikkhunīti … pe … ayaṃ imasmiṃ atthe adhippetā bhikkhunīti .
Vassaṃvuṭṭhā nāma purimaṃ vā temāsaṃ pacchimaṃ vā temāsaṃ vuṭṭhā .
Ubhatosaṅghe tīhi ṭhānehi na pavāressāmi diṭṭhena vā sutena vā parisaṅkāya vā ’’ ti dhuraṃ nikkhittamatte
T0.192 āpatti pācittiyassa . 1053. Anāpatti sati antarāye , pariyesitvā na labhati , gilānāya , āpadāsu , ummattikāya , ādikammikāyāti .
Sattamasikkhāpadaṃ niṭṭhitaṃ .