3. Tatiyasikkhāpadaṃ

Author： _System_Pali_VRI_ @ Administrator

986. Tena samayena buddho bhagavā sāvatthiyaṃ viharati jetavane anāthapiṇḍikassa ārāme .

Tena kho pana samayena chabbaggiyā bhikkhuniyo suttaṃ kantanti .

ManussāP4.300 vihāracārikaṃ āhiṇḍantā passitvā ujjhāyanti khiyyanti vipācenti –

‘‘ kathañhi nāma bhikkhuniyo suttaṃ kantissanti , seyyathāpi gihiniyo kāmabhoginiyo ’’ ti !

Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ .

Yā tā bhikkhuniyo appicchāV0.410 … pe … tā ujjhāyanti khiyyanti vipācenti –

‘‘ kathañhi nāma chabbaggiyā bhikkhuniyo suttaṃ kantissantī ’’ ti … pe … saccaṃ kira , bhikkhave , chabbaggiyā bhikkhuniyo suttaṃ kantantīti ?

‘‘ Saccaṃ , bhagavā ’’ ti .

Vigarahi buddho bhagavā … pe … kathañhi nāma , bhikkhave , chabbaggiyā bhikkhuniyo suttaṃ kantissanti !

Netaṃ , bhikkhave , appasannānaṃ vāT0.168 pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –

987.‘‘ Yā pana bhikkhunī suttaṃ kanteyya , pācittiyan ’’ ti .

988. Yā panāti yā yādisā … pe … bhikkhunīti … pe … ayaṃ imasmiṃ atthe adhippetā bhikkhunīti .

Suttaṃ nāma cha suttāni – khomaṃ , kappāsikaṃ , koseyyaṃ , kambalaṃ , sāṇaṃ , bhaṅgaṃ .

Kanteyyāti sayaṃ kantati , payoge dukkaṭaṃ .

Ujjavujjave āpatti pācittiyassa .

989. Anāpatti kantitasuttaṃ kantati , ummattikāya , ādikammikāyāti .

Tatiyasikkhāpadaṃ niṭṭhitaṃ .