5. Pañcamasikkhāpadaṃ

Author： _System_Pali_VRI_ @ Administrator

5. Pañcamasikkhāpadaṃ

994. Tena samayena buddho bhagavā sāvatthiyaṃ viharati jetavane anāthapiṇḍikassa ārāme .

Tena kho pana samayena aññatarā bhikkhunī thullanandaṃ bhikkhuniṃ upasaṅkamitvā etadavoca –

‘‘ ehāyye , imaṃ adhikaraṇaṃ vūpasamehī ’’ ti .

Thullanandā bhikkhunī ‘ sādhū ’ ti paṭissuṇitvā neva vūpasameti na vūpasamāya ussukkaṃ karoti .

Atha kho sā bhikkhunīM0.396 bhikkhunīnaṃ etamatthaṃ ārocesi .

Yā tā bhikkhuniyo appicchā … pe … tā ujjhāyanti khiyyanti vipācenti –

‘‘ kathañhi nāma ayyā thullanandā bhikkhuniyā –

‘ ehāyye ’, imaṃ adhikaraṇaṃ vūpasamehī ’ ti vuccamānā –

‘ sādhū ’ ti paṭissuṇitvā , neva vūpasamessati na vūpasamāya ussukkaṃ karissatī ’’ ti … pe … saccaṃ kira , bhikkhave , thullanandā bhikkhunī bhikkhuniyā –

‘‘ ehāyye , imaṃ adhikaraṇaṃ vūpasamehī ’’ ti vuccamānā –

‘‘ sādhū ’’ ti paṭissuṇitvā , nevaT0.170 vūpasameti na vūpasamāya ussukkaṃ karotīti ?

‘‘ Saccaṃ , bhagavā ’’ ti .

Vigarahi buddho bhagavā … pe … kathañhi nāma , bhikkhave , thullanandā bhikkhunī bhikkhuniyā –

‘‘ ehāyye , imaṃ adhikaraṇaṃ vūpasamehī ’’ ti vuccamānā –

‘‘ sādhū ’’ ti paṭissuṇitvā , neva vūpasamessati na vūpasamāya ussukkaṃ karissati !

Netaṃ , bhikkhave , appasannānaṃ vā pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –

995.‘‘ Yā pana bhikkhunī bhikkhuniyā –

‘ ehāyye , imaṃ adhikaraṇaṃ vūpasamehī ’ ti vuccamānāV0.412 –

‘ sādhū ’ ti paṭissuṇitvā sā pacchā anantarāyikinī neva vūpasameyya na vūpasamāya ussukkaṃ kareyya , pācittiyan ’’ ti .

996. Yā panāti yā yādisā … pe … bhikkhunīti … pe … ayaṃ imasmiṃ atthe adhippetā bhikkhunīti .

Bhikkhuniyāti aññāya bhikkhuniyā .

Adhikaraṇaṃ nāma cattāri adhikaraṇāni – vivādādhikaraṇaṃ , anuvādādhikaraṇaṃ , āpattādhikaraṇaṃ , kiccādhikaraṇaṃ .

Ehāyye imaṃ adhikaraṇaṃ vūpasamehīti ehāyye imaṃ adhikaraṇaṃ vinicchehi .

SāP4.302 pacchā anantarāyikinīti asati antarāye .

Neva vūpasameyyāti na sayaṃ vūpasameyya .

Na vūpasamāya ussukkaṃ kareyyāti na aññaṃ āṇāpeyya .

‘‘ Neva vūpasamessāmi na vūpasamāya ussukkaṃ karissāmī ’’ ti dhuraṃ nikkhittamatte , āpatti pācittiyassa .

997. UpasampannāyaM0.397 upasampannasaññā adhikaraṇaṃ neva vūpasameti na vūpasamāya ussukkaṃ karoti , āpatti pācittiyassa .

UpasampannāyaT0.171 vematikā adhikaraṇaṃ neva vūpasameti , na vūpasamāya ussukkaṃ karoti , āpatti pācittiyassa .

Upasampannāya anupasampannasaññā adhikaraṇaṃ neva vūpasameti , na vūpasamāya ussukkaṃ karoti , āpatti pācittiyassa .

Anupasampannāya adhikaraṇaṃ neva vūpasameti , na vūpasamāya ussukkaṃ karoti , āpatti dukkaṭassa .

Anupasampannāya upasampannasaññā , āpatti dukkaṭassa .

Anupasampannāya vematikā , āpatti dukkaṭassa .

Anupasampannāya anupasampannasaññā , āpatti dukkaṭassa .

998. AnāpattiV0.413 sati antarāye , pariyesitvā na labhati , gilānāya , āpadāsu , ummattikāya , ādikammikāyāti .

Pañcamasikkhāpadaṃ niṭṭhitaṃ .

Issues

Bhikkhunīvibhaṅgo

Bhikkhunīvibhaṅgo