4. Catutthasikkhāpadaṃ
1037. Tena samayena buddho bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena aññataro brāhmaṇo bhikkhuniyo nimantetvā bhojesi
P4.311 .Bhikkhuniyo bhuttāvī [ bhuttāvinī ( ka .)] pavāritā ñātikulāni gantvā ekaccā bhuñjiṃsu ekaccā piṇḍapātaṃ ādāya agamaṃsu .
Atha kho so brāhmaṇo paṭivissake etadavoca –
‘‘ bhikkhuniyo mayā ayyā santappitā , etha tumhepi santappessāmī ’’ ti .
Te evamāhaṃsu –
‘‘ kiṃ tvaṃ , ayyo , amhe santappessasi !
Yāpi tayā nimantitā tāpi amhākaṃ gharāni āgantvā ekaccā bhuñjiṃsu ekaccā
V0.425 piṇḍapātaṃM0.409 ādāya agamaṃsū ’’ ti .Atha kho so brāhmaṇo ujjhāyati khiyyati vipāceti –
‘‘ kathañhi nāma bhikkhuniyo amhākaṃ ghare bhuñjitvā aññatra bhuñjissanti , na cāhaṃ paṭibalo yāvadatthaṃ dātun ’’ ti !
Assosuṃ kho bhikkhuniyo tassa brāhmaṇassa ujjhāyantassa khiyyantassa vipācentassa .
Yā tā bhikkhuniyo appicchā … pe … tā ujjhāyanti khiyyanti vipācenti –
‘‘ kathañhi nāma bhikkhuniyo bhuttāvī [ bhuttāvinī ( ka .)] pavāritā aññatra bhuñjissantī ’’ ti … pe … saccaṃ kira , bhikkhave , bhikkhuniyo bhuttāvī pavāritā aññatra bhuñjantīti
T0.187 ?‘‘ Saccaṃ , bhagavā ’’ ti .
Vigarahi buddho bhagavā … pe … kathañhi nāma , bhikkhave , bhikkhuniyo bhuttāvī pavāritā aññatra bhuñjissanti !
Netaṃ , bhikkhave , appasannānaṃ vā pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –
1038.‘‘ Yā pana bhikkhunī nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā , pācittiyan ’’ ti .
1039. Yā panāti yā yādisā … pe … bhikkhunīti … pe … ayaṃ imasmiṃ atthe adhippetā bhikkhunīti .
Nimantitā nāma pañcannaṃ bhojanānaṃ aññatarena bhojanena nimantitā .
Pavāritā nāma asanaṃ paññāyati , bhojanaṃ paññāyati , hatthapāse ṭhitā abhiharati , paṭikkhepo paññāyati .
Khādanīyaṃ nāma pañca bhojanāni – yāguṃ yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma .
Bhojanīyaṃ nāma pañca bhojanāni – odano , kummāso , sattu , maccho , maṃsaṃ .
‘‘ Khādissāmi bhuñjissāmī ’’ ti paṭiggaṇhāti , āpatti dukkaṭassa .
Ajjhohāre ajjhohāre āpatti pācittiyassa .
1040. Nimantite
V0.426 nimantitasaññā khādanīyaṃ vā bhojanīyaṃ vā khādati vā bhuñjati vā , āpatti pācittiyassa .Nimantite vematikā khādanīyaṃ vā bhojanīyaṃ
M0.410 vā khādati vā bhuñjati vā , āpatti pācittiyassa .Nimantite animantitasaññā khādanīyaṃ vā bhojanīyaṃ vā khādati vā bhuñjati vā , āpatti pācittiyassa .
Yāmakālikaṃ sattāhakālikaṃ
T0.188 yāvajīvikaṃ āhāratthāya paṭiggaṇhāti , āpatti dukkaṭassa .Ajjhohāre ajjhohāre āpatti dukkaṭassa … pe ….
1041. Anāpatti nimantitā appavāritā , yāguṃ pivati , sāmike apaloketvā bhuñjati , yāmakālikaṃ sattāhakālikaṃ yāvajīvikaṃ sati paccaye paribhuñjati , ummattikāya , ādikammikāyāti .
Catutthasikkhāpadaṃ niṭṭhitaṃ .