2. Dutiyasikkhāpadaṃ
842. Tena
T0.113 samayena buddho bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṃ
M0.353 agamāsi kenacideva karaṇīyena .Atha kho sā bhikkhunī –
‘‘ bhagavatā paṭikkhittaṃ rattandhakāre appadīpe purisena saddhiṃ ekenekā santiṭṭhituṃ sallapitun ’’ ti teneva purisena saddhiṃ paṭicchanne okāse ekenekā santiṭṭhatipi sallapatipi .
Yā tā bhikkhuniyo appicchā … pe … tā ujjhāyanti khiyyanti vipācenti –
‘‘ kathañhi nāma bhikkhunī paṭicchanne okāse purisena saddhiṃ ekenekā santiṭṭhissatipi sallapissatipī ’’ ti … pe … saccaṃ kira , bhikkhave , bhikkhunī paṭicchanne okāse purisena saddhiṃ ekenekā santiṭṭhatipi sallapatipīti ?
‘‘ Saccaṃ , bhagavā ’’ ti .
Vigarahi buddho bhagavā … pe … kathañhi nāma , bhikkhave , bhikkhunī paṭicchanne okāse purisena saddhiṃ ekenekā santiṭṭhissatipi sallapissatipi !
Netaṃ , bhikkhave , appasannānaṃ vā pasādāya … pe … evañca pana , bhikkhave , bhikkhuniyo imaṃ sikkhāpadaṃ uddisantu –
843.‘‘ Yā pana bhikkhunī paṭicchanne okāse purisena saddhiṃ ekenekā santiṭṭheyya vā sallapeyya vā , pācittiyan ’’ ti .
844. Yā
V0.368 panāti yā yādisā … pe … bhikkhunīti … pe … ayaṃ imasmiṃT0.114 atthe adhippetā bhikkhunīti .Paṭicchanno nāma okāso kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā yena kenaci paṭicchanno hoti .
Puriso nāma manussapuriso na yakkho na peto na tiracchānagato viññū paṭibalo santiṭṭhituṃ sallapituṃ .
Saddhin ti ekato .
Ekenekāti puriso ceva hoti bhikkhunī ca .
Santiṭṭheyya vāti purisassa hatthapāse tiṭṭhati , āpatti pācittiyassa .
Sallapeyya vāti purisassa hatthapāse ṭhitā sallapati , āpatti pācittiyassa .
Hatthapāsaṃ vijahitvā santiṭṭhati vā sallapati vā , āpatti dukkaṭassa .
Yakkhena vā petena vā paṇḍakena vā tiracchānagatamanussaviggahena vā saddhiṃ santiṭṭhati vā sallapati vā , āpatti dukkaṭassa .
845. Anāpatti
M0.354 yo koci viññū dutiyo hoti , arahopekkhā , aññavihitā santiṭṭhati vā sallapati vā , ummattikāya , ādikammikāyāti .Dutiyasikkhāpadaṃ niṭṭhitaṃ .