1. Anulomapaccanīkavaṇṇanā
11. Sabbatthāti
M0.54 sabbasmiṃ sarīreti ayamatthoti dassento āha ‘‘ sarīraṃ sandhāyā ’’ ti .Tatthāti tasmiṃ saṃkhittapāṭhe .
Yasmā sarīraṃ sandhāya ‘‘ sabbattha na upalabbhatī ’’ ti vutte sarīrato bahi upalabbhatīti āpajjati , tasmā paccanīke paṭikkhepo sakavādissāti etena na kenaci sabhāvena puggalo upalabbhatīti ayamattho vutto hoti .
Na hi kenaci sabhāvena upalabbhamānassa sarīratadaññāvimutto upaladdhiokāso atthīti .