Paṇāmādikathā
1.
Satthuppasatthacaraṇaṃ
M0.1 saraṇaṃ janānaṃ ,Brahmādimoḷi maṇiraṃsi samāvahantaṃ ,
Paṅkeruhābhamudukomalacāruvaṇṇaṃ ;
Vandāmi cakkavaralakkhaṇamādadhānaṃ .
2.
Siddhaṃ jinena cirakālamatanditena ,
Yaṃ bhāvako samadhigacchati khemamaggaṃ ;
Yaṃ kapparukkha rucidāna maṇiva bhāti ,
Taṃ dhammamagga masamaṃ paṇamāmi niccaṃ .
3.
Santindriyaṃ sugatasūnuvaraṃ visuddhaṃ ,
Yaṃ dakkhiṇeyyamatadaṃ sucipuññakhettaṃ ;
Tāṇesinaṃ saraṇamujjhitasabbadukkhaṃ ,
Vandāmi saṅgha managhaṃ sirasā mahagghaṃ .
4.
Yampattamettha ratanattayathomanena ,
Puññena tena duritaṃ sakalaṃ paṇujja ,
Vakkhāmahaṃ sumadhuraṃ rasavāhinintaṃ ,
Bho bho suṇantu sujanā bhimudāvahā sā .
5.
Tatthatatthūpapannāni ,
M0.2 vatthūni arahā pure ;Abhāsuṃ dīpabhāsāya , ṭhapesuṃ taṃ purātanā .
6.
Mahāvihāre taṅgutta , vaṅkapariveṇavāsiko ;
Raṭṭhapāloti nāmena , sīlācāra guṇākaro .
7.
Hitāya parivattesi , pajānaṃ pāḷibhāsato ;
Punaruttādidosehi , tamāsi sabbamākulaṃ ;
Anākulaṃ karissāmi , taṃ suṇātha samāhitā .
8.
Vitarāgā pure vocuṃ , yasmā tasmā hi bhāsitaṃ ;
Etamādaraṇīyañhi , sādhu sādhūhi sabbadāti .
Jambudīpuppatti vatthūni .