1. Paṭhamavaggo
1. Subhūtittheragāthā
1.
‘‘ Channā
V0.162 me kuṭikā sukhā nivātā , vassa deva yathāsukhaṃ ;Cittaṃ me susamāhitaṃ vimuttaṃ , ātāpī viharāmi vassa devā ’’ ti .
Itthaṃ sudaṃ [ itthaṃ sumaṃ ( ka . aṭṭha .)] āyasmā subhūtitthero gāthaṃ abhāsitthāti .
2. Mahākoṭṭhikattheragāthā
2.
‘‘ Upasanto
M0.220 uparato , mantabhāṇī anuddhato ;Dhunāti pāpake dhamme , dumapattaṃva māluto ’’ ti .
Itthaṃ sudaṃ āyasmā mahākoṭṭhiko [ mahākoṭṭhito ( sī . syā .)] thero gāthaṃ abhāsitthāti .
3. Kaṅkhārevatattheragāthā
3.
‘‘ Paññaṃ
T0.261P0.2 imaṃ passa tathāgatānaṃ , aggi yathā pajjalito nisīthe ;Ālokadā cakkhudadā bhavanti , ye āgatānaṃ vinayanti kaṅkhan ’’ ti .
Itthaṃ sudaṃ āyasmā kaṅkhārevato thero gāthaṃ abhāsitthāti .
4. Puṇṇattheragāthā
4.
‘‘ Sambhireva samāsetha , paṇḍitehatthadassibhi ;
Atthaṃ mahantaṃ gambhīraṃ , duddasaṃ nipuṇaṃ aṇuṃ ;
Dhīrā samadhigacchanti , appamattā vicakkhaṇā ’’ ti .
Itthaṃ sudaṃ āyasmā puṇṇo mantāṇiputto [ mantāniputto ( syā . ka .)] thero gāthaṃ abhāsitthāti .
5. Dabbattheragāthā
5.
‘‘ Yo
V0.163 duddamiyo damena danto , dabbo santusito vitiṇṇakaṅkho ;Vijitāvī apetabheravo hi , dabbo so parinibbuto ṭhitatto ’’ ti .
Itthaṃ sudaṃ āyasmā dabbo thero gāthaṃ abhāsitthāti .
6. Sītavaniyattheragāthā
6.
‘‘ Yo
M0.221 sītavanaṃ upagā bhikkhu , eko santusito samāhitatto ;Vijitāvī apetalomahaṃso , rakkhaṃ kāyagatāsatiṃ dhitimā ’’ ti .
Itthaṃ sudaṃ āyasmā sītavaniyo thero gāthaṃ abhāsitthāti .
7. Bhalliyattheragāthā
7.
‘‘ Yopānudī
T0.262 maccurājassa senaṃ , naḷasetuṃva sudubbalaṃ mahogho ;Vijitāvī apetabheravo hi , danto so parinibbuto ṭhitatto ’’ ti .
Itthaṃ sudaṃ āyasmā bhalliyo thero gāthaṃ abhāsitthāti .
8. Vīrattheragāthā
8.
‘‘ Yo duddamiyo damena danto , vīro santusito vitiṇṇakaṅkho ;
Vijitāvī apetalomahaṃso , vīro so parinibbuto ṭhitatto ’’ ti .
Itthaṃ sudaṃ āyasmā vīro thero gāthaṃ abhāsitthāti .
9. Pilindavacchattheragāthā
9.
‘‘ Svāgataṃ na durāgataṃ [ nāpagataṃ ( sī . syā .)], nayidaṃ dumantitaṃ mama ;
Saṃvibhattesu dhammesu , yaṃ seṭṭhaṃ tadupāgamin ’’ ti .
Itthaṃ sudaṃ āyasmā pilindavaccho [ pilindivaccho ( sī .)] thero gāthaṃ abhāsitthāti .
10. Puṇṇamāsattheragāthā
10.
‘‘ Vihari
M0.222V0.164P0.3 apekkhaṃ idha vā huraṃ vā , yo vedaūū samito yatatto ;Sabbesu dhammesu anūpalitto , lokassa jaññā udayabbayañcā ’’ ti .
Itthaṃ sudaṃ āyasmā puṇṇamāso thero gāthaṃ abhāsitthāti .
Vaggo paṭhamo niṭṭhito .
Tassuddānaṃ –
Subhūti
T0.263 koṭṭhiko thero , kaṅkhārevatasammato ;Mantāṇiputto dabbo ca , sītavaniyo ca bhalliyo ;
Vīro pilindavaccho ca , puṇṇamāso tamonudoti .