Issues
Select Version
Theragāthāpāḷi
Theragāthāpāḷi

6. Selattheragāthā

Author: _System_Pali_VRI_ @ Administrator

6. Selattheragāthā

818.
‘‘ Paripuṇṇakāyo suruci , sujāto cārudassano ;
Suvaṇṇavaṇṇosi bhagavā , susukkadāṭhosi vīriyavā [ susukkadāṭho virīyavā ( sī .)].
819.
‘‘ Narassa hi sujātassa , ye bhavanti viyañjanā ;
SabbeT0.384 te tava kāyasmiṃ , mahāpurisalakkhaṇā .
820.
‘‘ Pasannanetto sumukho , brahā uju patāpavā ;
Majjhe samaṇasaṅghassa , ādiccova virocasi .
821.
‘‘ Kalyāṇadassano bhikkhu , kañcanasannibhattaco ;
Kiṃ te samaṇabhāvena , evaṃ uttamavaṇṇino .
822.
‘‘ RājāV0.264 arahasi bhavituṃ , cakkavattī rathesabho ;
Cāturanto vijitāvī , jambusaṇḍassa [ jambumaṇḍassa ( ka .)] issaro .
823.
‘‘ Khattiyā bhogī rājāno [ bhogā rājāno ( sī . ka .), bhojarājāno ( syā .)], anuyantā bhavanti te ;
Rājābhirājā [ rājādhirājā ( sī . ka .)] manujindo , rajjaṃ kārehi gotama ’’.
824.
‘‘ RājāhamasmiP0.79 sela ,( selāti bhagavā ) dhammarājā anuttaro ;
Dhammena cakkaṃ vattemi , cakkaṃ appaṭivattiyaṃ ’’.
825.
‘‘ Sambuddho paṭijānāsi ,( iti selo brāhmaṇo ) dhammarājā anuttaro ;
‘ Dhammena cakkaṃ vattemi ’, iti bhāsatha gotama .
826.
‘‘ Ko nu senāpati bhoto , sāvako satthuranvayo [ anvayo ( sī .)];
Ko tetamanuvatteti , dhammacakkaṃ pavattitaṃ ’’.
827.
‘‘ MayāM0.331 pavattitaṃ cakkaṃ ,( selāti bhagavā ) dhammacakkaṃ anuttaraṃ ;
Sāriputto anuvatteti , anujāto tathāgataṃ .
828.
‘‘ Abhiññeyyaṃ abhiññātaṃ , bhāvetabbañca bhāvitaṃ ;
Pahātabbaṃ pahīnaṃ me , tasmā buddhosmi brāhmaṇa .
829.
‘‘ VinayassuT0.385 mayi kaṅkhaṃ , adhimuñcassu brāhmaṇa ;
Dullabhaṃ dassanaṃ hoti , sambuddhānaṃ abhiṇhaso .
830.
‘‘ Yesaṃ ve dullabho loke , pātubhāvo abhiṇhaso ;
Sohaṃ brāhmaṇa buddhosmi , sallakatto [ sallakanto ( sī .)] anuttaro .
831.
‘‘ Brahmabhūto atitulo , mārasenappamaddano ;
Sabbāmitte vase [ vasī ( syā . ka ., ma . ni .2.399; su . ni .966)] katvā , modāmi akutobhayo ’’.
832.
‘‘ Idaṃ bhonto nisāmetha , yathā bhāsati cakkhumā ;
Sallakatto mahāvīro , sīhova nadatī vane .
833.
‘‘ Brahmabhūtaṃ atitulaṃ , mārasenappamaddanaṃ ;
Ko disvā nappasīdeyya , api kaṇhābhijātiko .
834.
‘‘ Yo maṃ icchati anvetu , yo vā nicchati gacchatu ;
Idhāhaṃ pabbajissāmi , varapaññassa santike ’’.
835.
‘‘ Etaṃ ce ruccati bhoto , sammāsambuddhasāsanaṃ ;
Mayampi pabbajissāma , varapaññassa santike .
836.
‘‘ Brāhmaṇā tisatā ime , yācanti pañjalīkatā ;
‘ Brahmacariyaṃ carissāma , bhagavā tava santike ’’’.
837.
‘‘ SvākhātaṃV0.265 brahmacariyaṃ ,( selāti bhagavā ) sandiṭṭhikamakālikaṃ ;
Yattha amoghā pabbajjā , appamattassa sikkhato ’’.
838.
‘‘ YaṃP0.80 taṃ saraṇamāgamha [ saraṇamāgamma ( sabbattha )], ito aṭṭhame [ aṭṭhami ( syā . ka .)] cakkhuma ;
Sattarattena bhagavā , dantāmha tava sāsane .
839.
‘‘ TuvaṃT0.386M0.332 buddho tuvaṃ satthā , tuvaṃ mārābhibhū muni ;
Tuvaṃ anusaye chetvā , tiṇṇo tāresimaṃ pajaṃ .
840.
‘‘ Upadhī te samatikkantā , āsavā te padālitā ;
Sīhova anupādāno , pahīnabhayabheravo .
841.
‘‘ Bhikkhavo tisatā ime , tiṭṭhanti pañjalīkatā ;
Pāde vīra pasārehi , nāgā vandantu satthuno ’’ ti .
… Selo thero ….