3. Tatiyavaggo
1. Nigrodhattheragāthā
21.
‘‘ Nāhaṃ bhayassa bhāyāmi , satthā no amatassa kovido ;
Yattha bhayaṃ nāvatiṭṭhati , tena maggena vajanti bhikkhavo ’’ ti .
… Nigrodho thero ….
2. Cittakattheragāthā
22.
‘‘ Nīlā
M0.225 sugīvā sikhino , morā kārambhiyaṃ [ kāraṃviyaṃ ( sī .), kāraviyaṃ ( syā .)] abhinadanti ;Te sītavātakīḷitā [ sītavātakadditakalitā ( sī .), sītavātakalitā ( syā .)], suttaṃ jhāyaṃ [ jhānaṃ ( syā .), jhāyiṃ (?)] nibodhentī ’’ ti .
… Cittako thero ….
3. Gosālattheragāthā
23.
‘‘ Ahaṃ
T0.266V0.167P0.5 kho veḷugumbasmiṃ , bhutvāna madhupāyasaṃ ;Padakkhiṇaṃ sammasanto , khandhānaṃ udayabbayaṃ ;
Sānuṃ paṭigamissāmi , vivekamanubrūhayan ’’ ti .
… Gosālo thero ….
4. Sugandhattheragāthā
24.
‘‘ Anuvassiko pabbajito , passa dhammasudhammataṃ ;
Tisso vijjā anuppattā , kataṃ buddhassa sāsanan ’’ ti .
… Sugandho thero ….
5. Nandiyattheragāthā
25.
‘‘ Obhāsajātaṃ phalagaṃ , cittaṃ yassa abhiṇhaso ;
Tādisaṃ bhikkhumāsajja , kaṇha dukkhaṃ nigacchasī ’’ ti .
… Nandiyo thero ….
6. Abhayattheragāthā
26.
‘‘ Sutvā subhāsitaṃ vācaṃ , buddhassādiccabandhuno ;
Paccabyadhiṃ hi nipuṇaṃ , vālaggaṃ usunā yathā ’’ ti .
… Abhayo thero ….
7. Lomasakaṅgiyattheragāthā
27.
‘‘ Dabbaṃ
M0.226 kusaṃ poṭakilaṃ , usīraṃ muñjapabbajaṃ ;Urasā panudissāmi , vivekamanubrūhayan ’’ ti .
… Lomasakaṅgiyo thero ….
8. Jambugāmikaputtattheragāthā
28.
‘‘ Kacci
V0.168 no vatthapasuto , kacci no bhūsanārato ;Kacci sīlamayaṃ gandhaṃ , kiṃ tvaṃ vāyasi [ kacci sīlamayaṃ gandhaṃ , tvaṃ vāsi ( syā .)] netarā pajā ’’ ti .
… Jambugāmikaputto thero ….
9. Hāritattheragāthā
29.
‘‘ Samunnamayamattānaṃ , usukārova tejanaṃ ;
Cittaṃ
T0.267 ujuṃ karitvāna , avijjaṃ bhinda hāritā ’’ ti .… Hārito thero ….
10. Uttiyattheragāthā
30.
‘‘ Ābādhe me samuppanne , sati me udapajjatha ;
Ābādho me samuppanno , kālo me nappamajjitun ’’ ti .
… Uttiyo thero ….
Vaggo tatiyo niṭṭhito .
Tassuddānaṃ –
Nigrodho cittako thero , gosālathero sugandho ;
Nandiyo abhayo thero , thero lomasakaṅgiyo ;
Jambugāmikaputto ca , hārito uttiyo isīti .