Issues
Select Version
Theragāthāpāḷi
Theragāthāpāḷi

6. Sappadāsattheragāthā

Author: _System_Pali_VRI_ @ Administrator

6. Sappadāsattheragāthā

405.
‘‘ PaṇṇavīsativassāniM0.285 , yato pabbajito ahaṃ ;
Accharāsaṅghātamattampi , cetosantimanajjhagaṃ .
406.
‘‘ Aladdhā cittassekaggaṃ , kāmarāgena aṭṭito [ addito ( syā . sī . aṭṭha .), aḍḍito ( ka .)];
Bāhā paggayha kandanto , vihārā upanikkhamiṃ [ nūpanikkhamiṃ ( sabbattha ), dupanikkhamiṃ (?)].
407.
‘‘ Satthaṃ vā āharissāmi , ko attho jīvitena me ;
Kathaṃ hi sikkhaṃ paccakkhaṃ , kālaṃ kubbetha mādiso .
408.
‘‘ TadāhaṃV0.223 khuramādāya , mañcakamhi upāvisiṃ ;
Parinīto khuro āsi , dhamaniṃ chettumattano .
409.
‘‘ Tato me manasīkāro , yoniso udapajjatha ;
Ādīnavo pāturahu , nibbidā samatiṭṭhatha .
410.
‘‘ Tato cittaṃ vimucci me , passa dhammasudhammataṃ ;
TissoT0.330 vijjā anuppattā , kataṃ buddhassa sāsanan ’’ ti .
… Sappadāso thero ….