4. Catutthavaggo
1. Gahvaratīriyattheragāthā
31.
‘‘ Phuṭṭho
M0.227P0.6 ḍaṃsehi makasehi , araññasmiṃ brahāvane ;Nāgo saṃgāmasīseva , sato tatrādhivāsaye ’’ ti .
… Gahvaratīriyo thero ….
2. Suppiyattheragāthā
32.
‘‘ Ajaraṃ
V0.169 jīramānena , tappamānena nibbutiṃ ;Nimiyaṃ [ nimmissaṃ ( sī .), nirāmisaṃ ( syā .), nimineyyaṃ (?)] paramaṃ santiṃ , yogakkhemaṃ anuttaran ’’ ti .
… Suppiyo thero ….
3. Sopākattheragāthā
33.
‘‘ Yathāpi
T0.268 ekaputtasmiṃ , piyasmiṃ kusalī siyā ;Evaṃ sabbesu pāṇesu , sabbattha kusalo siyā ’’ ti .
… Sopāko thero ….
4. Posiyattheragāthā
34.
‘‘ Anāsannavarā etā , niccameva vijānatā ;
Gāmā araññamāgamma , tato gehaṃ upāvisi [ upāvisiṃ ( sī .)];
Tato uṭṭhāya pakkāmi , anāmantetvā [ anāmantiya ( sī .)] posiyo ’’ ti .
… Posiyo thero ….
5. Sāmaññakānittheragāthā
35.
‘‘ Sukhaṃ sukhattho labhate tadācaraṃ , kittiñca pappoti yasassa vaḍḍhati ;
Yo ariyamaṭṭhaṅgikamañjasaṃ ujuṃ , bhāveti maggaṃ amatassa pattiyā ’’ ti .
… Sāmaññakānitthero ….
6. Kumāputtattheragāthā
36.
‘‘ Sādhu
M0.228 sutaṃ sādhu caritakaṃ , sādhu sadā aniketavihāro ;Atthapucchanaṃ padakkhiṇakammaṃ , etaṃ sāmaññamakiñcanassā ’’ ti .
… Kumāputto thero ….
7. Kumāputtasahāyakattheragāthā
37.
‘‘ Nānājanapadaṃ yanti , vicarantā asaññatā ;
Samādhiñca virādhenti , kiṃsu raṭṭhacariyā karissati ;
Tasmā vineyya sārambhaṃ , jhāyeyya apurakkhato ’’ ti .
… Kumāputtattherassa sahāyako thero ….
8. Gavampatittheragāthā
38.
‘‘ Yo
T0.269V0.170 iddhiyā sarabhuṃ aṭṭhapesi , so gavampati asito anejo ;Taṃ sabbasaṅgātigataṃ mahāmuniṃ , devā namassanti bhavassa pāragun ’’ ti .
… Gavampatitthero ….
9. Tissattheragāthā
39.
[ saṃ . ni .1.21,97]‘‘ Sattiyā viya omaṭṭho , ḍayhamānova [ ḍayhamāneva ( sabbattha )] matthake ;
Kāmarāgappahānāya , sato bhikkhu paribbaje ’’ ti .
… Tisso thero ….
10. Vaḍḍhamānattheragāthā
40.
‘‘ Sattiyā
P0.7 viya omaṭṭho , ḍayhamānova matthake ;Bhavarāgappahānāya , sato bhikkhu paribbaje ’’ ti .
… Vaḍḍhamāno thero ….
Vaggo catuttho niṭṭhito .
Tassuddānaṃ –
Gahvaratīriyo
M0.229 suppiyo , sopāko ceva posiyo ;Sāmaññakāni kumāputto , kumāputtasahāyako ;
Gavampati tissatthero , vaḍḍhamāno mahāyasoti .