Issues
Select Version
Theragāthāpāḷi
Theragāthāpāḷi

5. Pañcamavaggo

Author: _System_Pali_VRI_ @ Administrator

5. Pañcamavaggo

1. Sirivaḍḍhattheragāthā

41.
‘‘ VivaramanupatantiT0.270 vijjutā , vebhārassa ca paṇḍavassa ca ;
Nagavivaragato ca jhāyati , putto appaṭimassa tādino ’’ ti .
… Sirivaḍḍho thero ….

2. Khadiravaniyattheragāthā

42.
‘‘ CāleV0.171 upacāle sīsūpacāle ()[( cālā upacālā , sīsūpacālā )( ka .)] patissatā [ paṭissatikā ( syā . ka .)] nu kho viharatha ;
Āgato vo vālaṃ viya vedhī ’’ ti .
… Khadiravaniyo thero ….

3. Sumaṅgalattheragāthā

43.
‘‘ Sumuttiko sumuttiko sāhu , sumuttikomhi tīhi khujjakehi ;
Asitāsu mayā naṅgalāsu , mayā khuddakuddālāsu mayā .
Yadipi idhameva idhameva , atha vāpi alameva alameva ;
Jhāya sumaṅgala jhāya sumaṅgala , appamatto vihara sumaṅgalā ’’ ti .
… Sumaṅgalo thero ….

4. Sānuttheragāthā

44.
[ saṃ . ni .1.239]‘‘ Mataṃ vā amma rodanti , yo vā jīvaṃ na dissati ;
Jīvantaṃ maṃ amma passantī , kasmā maṃ amma rodasī ’’ ti .
… Sānutthero ….

5. Ramaṇīyavihārittheragāthā

45.
‘‘ YathāpiM0.230 bhaddo ājañño , khalitvā patitiṭṭhati ;
EvaṃT0.271 dassanasampannaṃ , sammāsambuddhasāvakan ’’ ti .
… Ramaṇīyavihāritthero ….

6. Samiddhittheragāthā

46.
‘‘ Saddhāyāhaṃ pabbajito , agārasmānagāriyaṃ ;
Sati paññā ca me vuḍḍhā , cittañca susamāhitaṃ ;
Kāmaṃ karassu rūpāni , neva maṃ byādhayissasī ’’ ti [ bādhayissasīti ( sī .), byāthayissasīti (?)].
… Samiddhitthero ….

7. Ujjayattheragāthā

47.
‘‘ NamoV0.172P0.8 te buddha vīratthu , vippamuttosi sabbadhi ;
Tuyhāpadāne viharaṃ , viharāmi anāsavo ’’ ti .
… Ujjayo thero ….

8. Sañjayattheragāthā

48.
‘‘ Yato ahaṃ pabbajito , agārasmānagāriyaṃ ;
Nābhijānāmi saṅkappaṃ , anariyaṃ dosasaṃhitan ’’ ti .
… Sañjayo thero ….

9. Rāmaṇeyyakattheragāthā

49.
‘‘ Cihacihābhinadite [ vihavihābhinadite ( sī . syā .)], sippikābhirutehi ca ;
Na me taṃ phandati cittaṃ , ekattanirataṃ hi me ’’ ti .
… Rāmaṇeyyako thero ….

10. Vimalattheragāthā

50.
‘‘ DharaṇīM0.231 ca siñcati vāti , māluto vijjutā carati nabhe ;
Upasamanti vitakkā , cittaṃ susamāhitaṃ mamā ’’ ti .
… Vimalo thero ….
Vaggo pañcamo niṭṭhito .
Tassuddānaṃ –
Sirīvaḍḍho revato thero , sumaṅgalo sānusavhayoT0.272 ;
Ramaṇīyavihārī ca , samiddhiujjayasañjayā ;
Rāmaṇeyyo ca so thero , vimalo ca raṇañjahoti .