Issues
Select Version
Theragāthāpāḷi
Theragāthāpāḷi

4. Kullattheragāthā

Author: _System_Pali_VRI_ @ Administrator

4. Kullattheragāthā

393.
‘‘ Kullo sivathikaṃ gantvā , addasa itthimujjhitaṃ ;
ApaviddhaṃT0.328 susānasmiṃ , khajjantiṃ kimihī phuṭaṃ .
394.
‘‘ ĀturaṃM0.284 asuciṃ pūtiṃ , passa kulla samussayaṃ ;
Uggharantaṃ paggharantaṃ , bālānaṃ abhinanditaṃ .
395.
‘‘ Dhammādāsaṃ gahetvāna , ñāṇadassanapattiyā ;
Paccavekkhiṃ imaṃ kāyaṃ , tucchaṃ santarabāhiraṃ .
396.
‘‘ Yathā idaṃ tathā etaṃ , yathā etaṃ tathā idaṃ ;
Yathā adho tathā uddhaṃ , yathā uddhaṃ tathā adho .
397.
‘‘ YathāV0.222 divā tathā rattiṃ , yathā rattiṃ tathā divā ;
Yathā pure tathā pacchā , yathā pacchā tathā pure .
398.
‘‘ Pañcaṅgikena turiyena , na ratī hoti tādisī ;
Yathā ekaggacittassa , sammā dhammaṃ vipassato ’’ ti .
… Kullo thero ….