186. AṭṭhitadhammātiV3.87 naṭṭhitasabhāvā . Jivhā no atthīti yaṃ yaṃ icchanti , taṃ taṃ kathenti , kadāci maggaṃ kathenti , kadāci phalaṃ kadāci nibbānanti adhippāyo .

Jānatāti sabbaññutaññāṇena jānantena . Passatāti pañcahi cakkhūhi passantena .

GambhīranemotiP3.913 gambhīrabhūmiṃ anupaviṭṭho . Sunikhātoti suṭṭhu nikhāto .

Evameva kho , āvusoti evaṃ khīṇāsavo abhabbo nava ṭhānāni ajjhācarituṃ . Tasmiṃ anajjhācāro acalo asampavedhī .

Tattha sañcicca pāṇaṃ jīvitā voropanādīsu sotāpannādayopi abhabbā .

Sannidhikārakaṃ kāme paribhuñjitun ti vatthukāme ca kilesakāmeM3.97 ca sannidhiṃ katvā paribhuñjituṃ . Seyyathāpi pubbe agārikabhūtoti yathā pubbe gihibhūto paribhuñjati , evaṃ paribhuñjituṃ abhabbo .