Issues
Select Version
Visuddhimaggo(Dutiyo bhāgo)
Visuddhimaggo(Dutiyo bhāgo)

Saṅkhārakkhandhakathā

Author: 注释—善巧 @ 小僧善巧

471. Chandanaṃ chando , ārammaṇena atthikatā .‘‘ Chando kāmo ’’ tiādīsu ( vibha .564) pana taṇhāpi vuccati ,‘‘ chandaṃ janeti vāyamatī ’’ tiādīsu ( vibha .432) vīriyampīti tato nivattanatthaṃ ‘‘ kattukāmatāyetaṃ adhivacanan ’’ ti vuttaṃ .
Kattukāmatā vuccati karaṇicchā .Cetasikassa ca dhammassa sārammaṇattā karaṇicchā nāma ālambanassa ālambitukāmatāmukheneva hotīti ārammaṇakaraṇicchālakkhaṇo chando kattukāmatālakkhaṇo vutto .Tenevāha ‘‘ ārammaṇapariyesanaraso , ārammaṇena atthikatāpaccupaṭṭhāno ’’ ti ca .
Yadaggena panāyaṃ attano ārammaṇapariyesanaraso , tadaggena sampayuttānampi hotiyeva ekārammaṇatāya tena tesaṃ .Tenevāha ‘‘ ārammaṇaggahaṇe cāyaṃ cetaso hatthappasāraṇaṃ viya daṭṭhabbo ’’ ti .Svāyaṃ kusalesu uppanno kusalacchandoti vuccati yonisomanasikārasamuṭṭhānattā .
473. KiriyāM2.147 kāroti kārasaddassa bhāvasādhanatamāha .
Manamhi kāroti manasi ārammaṇassa karaṇaṃ .Yena hi mano ārammaṇe karīyati ārammaṇenassa saṃyojanato , tato eva tena ārammaṇampi manasi karīyatīti .
Purimamanatoti bhavaṅgamanato .Visadisamanan ti vīthijavanaṃ manaṃ karotīti manasikārasāmaññena vīthijavanapaṭipādake dasseti .