Issues
Select Version
Visuddhimaggo(Dutiyo bhāgo)
Visuddhimaggo(Dutiyo bhāgo)

Avijjāpaccayāsaṅkhārapadakathā

Author: 注释—善巧 @ 小僧善巧

分别义注续 Iti bhagavā aparimāṇesu cakkavāḷesu aparimāṇā sattā kusalākusalakammaṃ āyūhamānā imehi tīhi dvārehi āyūhantīti āyūhanakammadvāraṃ dassesi .
Jātiādipapātadukkhajananato maruppapātasadisatā puññābhisaṅkhārassa vuttā .
‘‘ Sukho imissā paribbājikāya taruṇāya mudukāya lomasāya bāhāya samphasso ’’ tiādinā ( ma . ni .1.469) sukhasaññāya asubhabhāvassa asallakkhaṇeneva ekaccakāmaparibhogoti bālo viya gūthakīḷanaṃ , kilesābhibhūtatāya kodhāratiabhibhūto asavaso maritukāmo viya visakhādanaṃ sampati kiriyākhaṇe , āyatiṃ phalakkhaṇe ca jigucchanīyaṃ , dukkhañca apuññābhisaṅkhāraṃ ārabhati .Lobhasahagatassa vā gūthakīḷanasadisatā , dosasahagatassa visakhādanasadisatā yojetabbā .
Sabhayassāpi pisācanagarassa kāmaguṇasamiddhiyā sukhavipallāsahetubhāvo viya āruppavipākānaṃM2.266 nirantaratāya , anupalakkhiyamānauppādavayānaṃ dīghasantānatāya agayhamānavipariṇāmānaṃ saṅkhāravipariṇāmadukkhabhūtānampi niccādivipallāsahetubhāvoti , tesaṃ pisācanagarasadisatā , tadabhimukhagamanasadisatā ca āneñjābhisaṅkhārassa yojetabbā .