Issues
Select Version
Visuddhimaggo(Dutiyo bhāgo)
Visuddhimaggo(Dutiyo bhāgo)

Avijjāpaccayāsaṅkhārapadavitthārakathā

Author: 注释—善巧 @ 小僧善巧

‘ Pacchimānaṃ sā ekadhā paccayo matā ’ ti āneñjābhisaṅkhārānaṃ upanissayapaccayeneva ekadhā paccayo matā .So panassā upanissayabhāvo puññābhisaṅkhāre vuttanayeneva veditabboti .
Yadidaṃ ‘‘ avijjāpaccayā saṅkhārā , phassapaccayā vedanā ’’ tiādinā ekahetuphaladīpanaṃ , taṃ ettha desanāvilāsena , vineyyajjhāsayavasena vā dhammānaṃ padhānapākaṭāsādhāraṇabhāvavibhāvanatthanti ekahetuphaladīpanaṃ na nupapajjati upapajjatiyevāti dasseti ‘‘ yasmā ’’ tiādinā .
Apariṇāyako bāloti arahattamaggasampaṭipādakakalyāṇamittarahitoti attho .Arahattamaggāvasānaṃ vā ñāṇaṃ samavisamaṃ dassetvā nibbānaṃ nayatīti pariṇāyakanti vuttaṃ , tena rahito apariṇāyako .