8. Macchabandhasuttavaṇṇanā
18. Aṭṭhame macchikan ti macchaghātakaṃ .
Hatthinā yātīti hatthiyāyī .
Paratopi eseva nayo .
Vajjheti vadhitabbe .
Vadhāyanīteti vadhāya upanīte .
Pāpakena manasāti lāmakena vadhakacittena .
Pāḷiyaṃ pana vadhāyupanīteti likhanti .
Māgavikoti migaghātako .
Ko pana vādo manussabhūtan ti yo manussabhūtaṃ pāpakena manasā anupekkhati , tassa sampattiyā abhāve kimeva vattabbaṃ .
Idaṃ pāpakassa kammuno aniṭṭhaphalabhāvaṃ dassetuṃ vuttaṃ .
Yesaṃ pana tādisaṃ kammaṃ karontānampi yasapaṭilābho hoti , tesaṃ taṃ akusalaṃ nissāya kusalaṃ vipaccatīti veditabbaṃ
V3.101 .Tena panassa akusalakammena upahatattā vipāko na ciraṭṭhitiko hoti .
Imasmiṃ sutte akusalapakkhova kathito .