5. Dārukammikasuttavaṇṇanā
59. Pañcame dārukammikoti dāruvikkayena pavattitājīvo eko upāsako .
Kāsikacandanan ti
V3.133 saṇhacandanaṃ .Aṅgenāti aguṇaṅgena , sukkapakkhe guṇaṅgena .
Nemantanikoti nimantanaṃ gaṇhanako .
Saṅghe dānaṃ dassāmīti bhikkhusaṅghassa dassāmi .
So evaṃ vatvā satthāraṃ abhivādetvā pakkāmi .
Athassa
P3.401 aparabhāge pañcasatā kulūpakā bhikkhū gihibhāvaṃ pāpuṇiṃsu .So ‘‘ kulūpakabhikkhū te vibbhantā ’’ ti vutte ‘‘ kiṃ ettha mayhan ’’ ti vatvā cittuppādavemattamattampi na akāsi .
Idaṃ sandhāya satthā saṅghe te dānaṃ dadato cittaṃ pasīdissatīti āha .