5. Anussatiṭṭhānasuttavaṇṇanā
25. Pañcame anussatiṭṭhānānīti anussatikāraṇāni .
Itipi so bhagavātiādīni visuddhimagge ( visuddhi .1.123 ādayo ) vitthāritāneva .
Idampi kho , bhikkhave , ārammaṇaṃ karitvāti idaṃ buddhānussatikammaṭṭhānaṃ ārammaṇaṃ karitvā .
Visujjhantīti paramavisuddhiṃ nibbānaṃ pāpuṇanti .
Sesaṃ sabbattha uttānatthameva .
Imasmiṃ pana sutte cha anussatiṭṭhānāni missakāni kathitānīti veditabbāni .