5. Paṭhamalokadhammasuttavaṇṇanā
5. Pañcame lokassa dhammāti lokadhammā .
Etehi muttā nāma natthi , buddhānampi honti .
Tenevāha – lokaṃ anuparivattantīti anubandhanti nappajahanti
M3.196 , lokato na nivattantīti attho .Loko ca aṭṭha lokadhamme anuparivattatīti ayañca loko ete anubandhati na pajahati , tehi dhammehi na nivattatīti attho .
Lābho alābhoti lābhe āgate alābho āgatoyevāti veditabbo .
Ayasā dīsupi eseva nayo .
Avekkhati vipariṇāmadhammeti ‘‘ vipariṇāmadhammā ime ’’ ti evaṃ avekkhati .
Vidhūpitāti
P4.73 vidhamitā viddhaṃsitā .Padañca ñatvāti nibbānapadaṃ jānitvā .
Sammappajānāti bhavassa pāragūti bhavassa pāraṃ gato nipphattiṃ matthakaṃ patto , nibbānapadaṃ ñatvāva taṃ pāraṃ gatabhāvaṃ sammappajānātīti .
Imasmiṃ sutte vaṭṭavivaṭṭaṃ kathitaṃ .