6. Yasasuttavaṇṇanā
86. Chaṭṭhe mā ca mayā yasoti yaso ca mayā saddhiṃ mā gañchi .
Akasiralābhīti vipulalābhī .
Sīlapaññāṇan ti sīlañceva ñāṇañca .
Saṅgammāti sannipatitvā .
Samāgammāti samāgantvā .
Saṅgaṇikavihāran ti gaṇasaṅgaṇikavihāraṃ .
Na hi nūnameti na hi nūna ime .
Tathā hi panameti tathā hi pana ime .
Aṅgulipatodakehīti aṅgulipatodayaṭṭhiṃ katvā vijjhanena .
Sañjagghanteti mahāhasitaṃ hasante .
Saṃkīḷanteti keḷiṃ karonte .