2. Aṅgulipatodakasikkhāpadavaṇṇanā
330. Dutiye
M0.128 – aṅgulipatodakenāti aṅgulīhi upakacchakādighaṭṭanaṃ vuccati .Uttasantoti atihāsena kilamanto .
Anassāsakoti upacchinnaassāsapassāsasañcāro hutvā .
Anupasampannaṃ kāyena kāyan ti ettha bhikkhunīpi anupasampannaṭṭhāne ṭhitā , tampi khiḍḍādhippāyena phusantassa dukkaṭaṃ .
Sesamettha uttānameva .
Paṭhamapārājikasamuṭṭhānaṃ – kiriyaṃ , saññāvimokkhaṃ , sacittakaṃ , lokavajjaṃ , kāyakammaṃ , akusalacittaṃ , dvivedananti .
Aṅgulipatodakasikkhāpadaṃ dutiyaṃ .