853. Tintiṇaniddese tintiṇan ti khīyanaṃ .
Tintiṇāyanākāro tintiṇāyanā .
Tintiṇena ayitassa tintiṇasamaṅgino bhāvo tintiṇāyitattaṃ .
Lolupabhāvo loluppaṃ .
Itare dve
V0.451 ākārabhāvaniddesā .
PucchañjikatātiP0.477 lābhalabhanakaṭṭhāne vedhanākampanā nīcavuttitā .
Sādhukamyatāti paṇītapaṇītānaṃ patthanā .
Evaṃ sabbehipi padehi suvānadoṇiyaṃ kañjiyaṃ pivanakasunakhassa aññaṃ sunakhaṃ disvā bhubhukkaraṇaṃ viya ‘ tava santakaṃ , mama santakan ’ ti kilesavasena khīyanākāro kathito .