9. Paṭhamasekhasuttavaṇṇanā
89. Navame
V3.40 sekhassāti sikkhakassa sakaraṇīyassa .Parihānāyāti upariguṇehi parihānatthāya .
Kammārāmatāti navakamme ramanakabhāvo .
Bhassārāmatāti
P3.275 ālāpasallāpe ramanakabhāvo .Niddārāmatāti niddāyane ramanakabhāvo .
Saṅgaṇikārāmatāti gaṇasaṅgaṇikāya ramanakabhāvo .
Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ , ye ca dosā pahīnā , guṇā ca paṭiladdhā , te paccavekkhitvā upariguṇapaṭilābhāya vāyāmaṃ na karotīti attho .
Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ .
Yañca nāma sekhassa parihānakāraṇaṃ , taṃ puthujjanassa paṭhamameva hotīti .